سەناتور مۇرات باقتييارۇلى ەلٸمٸزدٸڭ پرەمەر-مينيسترٸنٸڭ اتىنا جولداعان دەپۋتاتتىق ساۋالىندا قازاقستاندا كەدەيلٸك پەن جۇمىسسىزدىق دەڭگەيٸن ەسەپتەۋ كەزٸندە اشىقتىق پەن ەدٸلدٸك قاعيداتتارىن ەنگٸزۋ قاجەتتٸگٸ تۋرالى مەسەلەنٸ كٶتەردٸ, دەپ حابارلايدى قازاقپارات.
سەناتوردىڭ ايتۋىنشا, قازٸرگٸ كٶزقاراس پەن مۇنداي ستاتيستيكانىڭ نەتيجەلەرٸ سەنٸمدٸ ەمەس.
«جەرگٸلٸكتٸ اتقارۋشى ورگاندار, ٷكٸمەت جۇمىسسىزدىق پەن كەدەيشٸلٸك دەڭگەيٸن ٷنەمٸ تٶمەن كٶرسەتۋمەن كەلەدٸ. 2021 جىلى ٷكٸمەت ەلدە 450 مىڭ ادام جۇمىسسىز دەپ كٶرسەتسە, كەدەيشٸلٸك دەڭگەيٸ 4,5 % اسپايدى دەگەن رەسمي اقپارات بەردٸ. وسى شىندىققا سەيكەس كەلە مە? سوندىقتان دا ٷكٸمەت بٸرٸنشٸ كەزەكتە كەدەيشٸلٸكپەن كٷرەسۋدٸڭ جاڭا جٷيەسٸن جاساۋ كەرەك. كەلەشەكتە جالعان ستاتيستيكادان تولىققاندى ارىلۋ كەرەك», - دەدٸ سەناتور ٶز سٶزٸندە.
مۇرات باقتييارۇلى كەيدە ٷكٸمەتتەن پارلامەنتكە «شيكٸ» كەلەتٸن زاڭ جوبالارىن جازۋ سالاسىنداعى پروبلەمالارعا دا توقتالدى. سەناتور سونداي-اق ٷكٸمەت زاڭ جوبالارىن مەملەكەتتٸك تٸلدە دايىنداۋى كەرەك ەكەنٸن اتاپ ٶتتٸ.
سونىمەن قاتار مەملەكەتتٸك ورگانداردىڭ ٷكٸمەتتٸڭ دەپۋتاتتىق ساۋالدارعا جاۋاپ بەرۋگە دەگەن كٶزقاراسىن سىنعا الدى.
«سەناتتاعى ەرٸپتەستەر تاراپىنان قوعامدا ەر تٷرلٸ سالاعا قاتىستى دەپۋتاتتىق ساۋالدار ٷكٸمەت باسشىسىنا, ٷكٸمەت مٷشەلەرٸنە جولدانىپ جاتادى. بٸراق ولاردىڭ بەرگەن جاۋاپتارى ناقتى ەمەس, ەكٸۇشتى بولىپ كەلەدٸ. سوندىقتان دا دەپۋتاتتىق ساۋالدارعا بٸر جاپىراق قاعازبەن قايتاراتىن جاۋاپتاردى دوعارۋ كەرەك. دەپۋتات ساۋالىنا جان-جاقتى زەردەلەپ جاۋاپ بەرۋ جولعا قويىلسا», - دەدٸ ول.
