پارلامەنت سەناتىندا ارمەنييا رەسپۋبليكاسىنا مۇناي ٶنٸمدەرٸن ساتۋ جٶنٸندەگٸ ساۋدا-ەكونوميكالىق ىنتىماقتاستىق كەلٸسٸمٸ راتيفيكاتسييالاندى, دەپ حابارلايدى قازاقپارات.
قر ەنەرگەتيكا ۆيتسە-مينيسترٸ ەسەت ماعاۋوۆتىڭ ايتۋىنشا, ەۋرازييا ەكونوميكالىق وداق مٷشەلەرٸ اراسىنداعى مۇناي جەنە مۇناي ٶنٸمدەرٸن جەتكٸزۋ 2014 جىلعى 29 مامىرداعى ەاەو تۋرالى شارتقا سەيكەس جەكەلەگەن ەكٸجاقتى كەلٸسٸممەن رەتتەلەدٸ.
2020 جىلعى 16 شٸلدەدە نۇر-سۇلتان قالاسىندا ارمەنييا رەسپۋبليكاسىنا مۇناي ٶنٸمدەرٸن بەرۋ بويىنشا ساۋدا-ەكونوميكالىق ىنتىماقتاستىق كەلٸسٸمٸنە قول قويىلعان.
«كەلٸسٸمگە سەيكەس تاراپتار ارمەنيياعا جەتكٸزۋگە رۇقسات ەتٸلگەن تاۋارلار تٸزبەسٸن بەكٸتەدٸ. بۇدان ەرٸ تاراپتاردىڭ ۆەدومستۆولارى تيٸستٸ حاتتاما جاسايدى. سوندىقتان, ەگەر قانداي دا بٸر مۇناي ٶنٸمٸ رۇقسات ەتٸلگەن تٸزٸمگە كٸرمەسە, ونى ەكەتە المايدى. بۇدان باسقا, تاراپتاردىڭ قۇزىرەتتٸ ورگاندارى جىل سايىن 1 جەلتوقسانعا دەيٸن قازاقستان مەن رەسەيدەن ارمەنيياعا تاۋار ٶندٸرۋ, ٸشكٸ تۇتىنۋ, يمپورتتاۋ جەنە ەكسپورتتاۋ بالانسىن جاسايدى, ياعني ينديكاتيۆتٸ بالانس. رەسەيدٸڭ ارمەنيياعا مۇناي ٶنٸمدەرٸن نەگٸزگٸ جەتكٸزۋشٸ ەكەنٸن ەسكەرە وتىرىپ, قازاقستاندىق ٶنٸمدەردٸ ىقتيمال جەتكٸزۋ قالدىق پرينتسيپٸ بويىنشا ايقىندالادى. بۇل كەلٸسٸمدە تاراپتاردىڭ ينديكاتيۆتٸك بالانسىندا كٶزدەلگەن كٶلەمنەن تىس ٶنٸم جەتكٸزۋگە تىيىم سالىنعان», - دەدٸ ەنەرگەتيكا ۆيتسە-مينيسترٸ.
ەۋرازييا ەكونوميكالىق وداق ەلدەرٸ اراسىنداعى ساۋدا ەكسپورتتىق كەدەن باج سالىعىن تٶلەمەي, كەدەن باقىلاۋىنسىز جٷرگٸزٸلەدٸ.
كەلٸسٸمدە مۇناي ٶنٸمدەرٸ ساۋداسىنىڭ ٸس جٷزٸندەگٸ ەرەكشە رەجيمٸ بەلگٸلەنگەن جەنە قازاقستاننان ارمەنيياعا مۇناي ٶنٸمدەرٸن ەكەتۋ كەزٸندەگٸ باقىلاۋ تەتٸكتەرٸ قامتىلعان.
«وسىنداي تەتٸكتەر ارتىق مۇناي ٶنٸمدەرٸن ارمەنييانىڭ نەعۇرلىم باسىم نارىعىنا ٶتكٸزۋگە مٷمكٸندٸك بەرەدٸ. بۇل مۇناي ٶنٸمدەرٸنٸڭ ٸشكٸ تەڭگەرٸمٸنە وڭ ەسەر ەتەدٸ جەنە قازاقستاننىڭ شارۋاشىلىق جٷرگٸزۋشٸ سۋبەكتٸلەرٸنٸڭ تٷسٸمٸن ارتتىرادى, سونداي-اق قازاقستاننان مۇناي ٶنٸمدەرٸن ەكەتۋدٸ رەتتەيدٸ جەنە ٸشكٸ نارىقتى قورعايدى. جەتكٸزۋ شارتتارىن كەسٸپكەرلەر ٶزارا كەلٸسٸم بويىنشا دەربەس انىقتايتىنىن اتاپ ٶتكەن جٶن», - دەدٸ ە. ماعاۋوۆ.
ەكسپورت بويىنشا مەمٸلە شەتەل ۆاليۋتاسىندا, ەدەتتە اقش دوللارىندا جاسالادى. سوندىقتان, قانداي دا بٸر تەۋەكەلدەر بولجانبايدى.
