زاڭنامالىق رەفورمالار مەن قىلمىستىق ساياساتتى ٸزگٸلەندٸرۋدٸڭ ارقاسىندا ەلٸمٸزدەگٸ تٷرمە حالقى 30 مىڭ ادامعا دەيٸن ازايدى جەنە قازاقستان قازٸرگٸ ۋاقىتتا تٷرمە رەيتينگٸ بويىنشا ەلەمدە 100-شٸ ورىندا تۇر. الايدا, باس بوستاندىعىنان ايىرۋ ورىندارىندا ولاردىڭ تەك 30 پايىزى عانا جۇمىس ٸستەۋ مٷمكٸندٸگٸنە يە, دەپ حابارلايدى "ۇلت اقپارات".
وسى ورايدا بٷگٸن سەناتتىڭ جالپى وتىرىسىندا دەپۋتات ۆلاديمير ۆولكوۆ باستاعان بٸر توپ سەناتوردىڭ دەپۋتاتتىق ساۋالىندا بۇل مەسەلە كٶتەرٸلدٸ. مەملەكەتتٸك ساتىپ الۋ پورتالى 2019 جىلدان باستاپ سوتتالعانداردى جۇمىسپەن قامتاماسىز ەتەتٸن كەسٸپورىندارمەن, ونىڭ ٸشٸندە قىلمىستىق-اتقارۋ جٷيەسٸنٸڭ مەكەمەلەرٸمەن بٸر جەردەن تاپسىرىس بەرۋشٸمەن تٸكەلەي شارت جاساسۋعا مٷمكٸندٸك بەرمەيدٸ.
«ٶندٸرٸستٸك ەسكٸرگەن ينفراقۇرىلىم, ونىڭ ٸشٸندە قازٸرگٸ زامانعى ٶندٸرٸستٸك قۋاتتاردىڭ بولماۋى, كٷردەلٸ قارجى سالۋدىڭ قاجەتتٸگٸ, سونداي-اق تەرتٸپپەن جۇمىس ٸستەيتٸن وبەكتٸلەردٸڭ جاعدايلارى كولونييالارداعى بيزنەستٸ دامىتۋعا كەسٸپكەرلەردٸ تارتپايدى. سوتتالعانداردى جۇمىسپەن قامتۋ ەڭبەك داعدىلارىن دامىتۋمەن قاتار, ولارعا تالاپ-ارىزداردى ٶتەۋ جەنە جەبٸرلەنۋشٸلەرگە كەلتٸرگەن زيياندى تٶلەۋگە قارجى تابۋعا, سونداي-اق ٶز وتباسىلارىنا قارجىلىق كٶمەك كٶرسەتۋگە مٷمكٸندٸك بەرەدٸ», - دەدٸ ۆلاديمير ۆولكوۆ.
دەپۋتاتتار باس بوستاندىعىنان ايىرۋ تٷرٸندەگٸ جازانى تيٸمدٸ ورىنداۋ جەنە ولارمەن جەكە جۇمىستى ۇيىمداستىرۋ ٷشٸن قاماۋداعىلاردى كامەرادا ۇستاۋ قاجەت ەكەنٸن اتاپ ٶتتٸ. جۇمىس ٸستەپ تۇرعان 66 تٷزەۋ مەكەمەسٸنٸڭ تەك 9-ىندا عانا كامەرادا ۇستاۋعا جاعدايى بار ەكەن.
«حالىقارالىق ستاندارتتاردىڭ باستى تالابى – وتريادتىق ۇستاۋدان كامەرالىق جاعدايعا كٶشۋ. تٷزەتۋ كولونييالارىنىڭ كٶپشٸلٸگٸ ٶتكەن عاسىرداعى كەڭەستٸك قۇرىلىستىڭ مۇراسى بولىپ تابىلادى, ونداعى جاتاقحانا باراعى ٷلگٸسٸندەگٸ بٸر بٶلمەدە 100-120 ادام تۇرادى. عيماراتتار مەن قۇرىلىستاردىڭ جاي-كٷيٸن ەسكەرە وتىرىپ, 42 تٷزەۋ مەكەمەسٸ قايتا جاڭارتۋدى تالاپ ەتەدٸ», - دەدٸ سەنات دەپۋتاتى.
سەناتورلار بۇل مەكەمەلەردە, ونىڭ ٸشٸندە لاۋازىمدى تۇلعالار تاراپىنان جاسالعان تەرتٸپ بۇزۋشىلىقتار مەن قىلمىستاردىڭ الدىن الۋ جەنە الدىن الۋ ٷشٸن بەينەباقىلاۋ ەنگٸزۋ قاجەت ەكەنٸن اتاپ ٶتتٸ. بۇل مەكەمەلەردٸڭ 30 پايىزى عانا بەينەباقىلاۋ جٷيەسٸمەن قامتاماسىز ەتٸلگەن.
سونىمەن قاتار, سەنات دەپۋتاتتارىنىڭ پٸكٸرٸنشە, سوتتالعانداردى مەديتسينالىق قامتاماسىز ەتۋ پروبلەمالارىنا دا ەرەكشە نازار اۋدارۋ كەرەك. قىلمىستىق-اتقارۋ جٷيەسٸن مەديتسينالىق قامتاماسىز ەتۋ جٷيەسٸ رەسۋرستار, قىزمەت كٶرسەتۋ ساپاسى جەنە ونىڭ جابىق بولۋىنا بايلانىستى باقىلاۋ تۇرعىسىندا ازاماتتىق سەكتورمەن تەڭ ەمەس جاعدايدا تۇر.
مەديتسينالىق قىزمەتتەرمەن تولىق قامتاماسىز ەتٸلمەۋٸ, ارناۋلى مامانداردىڭ بولماۋى, شۇعىل ەمدەۋگە جاتقىزۋ پروبلەمالارى, ەسكٸرگەن مەديتسينالىق جابدىقتار باس بوستاندىعىنان ايىرۋ ورىندارىنداعى دەرٸگەرلٸك قىزمەتتەردٸڭ ساپاسى تٶمەن بولۋىنا الىپ كەلەدٸ.
