فوتو:uralskweek.kz
سەناتور ەلي بەكتاەۆ جاڭا جىلدىق مەرەكەنٸ ناۋرىزعا اۋىستىرىپ, جاڭاشا تويلاۋدى ۇسىندى, - دەپ حابارلايدى Sputnik قازاقستان.
ونىڭ ايتۋىنشا, بٷگٸندە جاڭا جىلدىق شارالاردا ىسىراپشىلدىق پەن داراقىلىق باسىم بولىپ بارادى. بيۋدجەت قارجىسىنا جٷزدەگەن مۇز قالاشىقتارى سالىنىپ, وتشاشۋلار اتىلادى. ال حالىق ساۋدا ورتالىقتارىن ارالاپ كەتەدٸ. باعا دا كٷرت شارىقتايدى.
"تەۋەلسٸز قازاقستاندا جاڭا جىلدى اتاپ ٶتۋدٸڭ ەرەكشە يدەولوگييالىق-ەلەۋمەتتٸك نەگٸزٸن قالىپتاستىراتىن ۋاقىت كەلدٸ. ەلٸمٸزدە ٷش مىڭ جىلدىق تاريحى بار ناۋرىز مەيرامى تەرەڭ دەستٷرگە ەنۋٸ قاجەت", - دەدٸ بەكتاەۆ سەناتتىڭ بٷگٸنگٸ وتىرىسىندا.
وسى ورايدا دەپۋتات ناۋرىز مەرەكەسٸن دەرٸپتەيتٸن جالپىۇلتتىق تۇجىرىمدامانى قابىلداۋدى ۇسىندى.
"ناۋرىز كٶل-كٶسٸر داستارقان جاساپ, جٷزدەگەن كيٸز ٷي تٸگٸپ, ىسىراپشىلدىققا جول بەرەتٸن مەيرام ەمەس, ەر وتباسىعا, ەر اۋىلعا, ەر ٶڭٸرگە رۋحاني نەر بەرەتٸن جاڭاشىل مەرەكەگە اينالۋى كەرەك. ەر جىلدىڭ ەكونوميكالىق-ستاتيستيكالىق قورىتىندىسى الداعى اقپان-ناۋرىز ايلارىندا شىعارىلاتىنىن ەسكەرە وتىرىپ, ناۋرىز مەرەكەسٸ قارساڭىندا ٶتكەن جىلدى قورىتىندىلاپ, ەڭبەك ۇجىمدارى مەن ەڭبەك وزاتتارىن ماراپاتتاۋ دەستٷرگە اينالۋى تيٸس. تٸپتٸ, ەكٸمدەردٸڭ جىل سايىن ٶتكٸزەتٸن شىرشالارىن ناۋرىز ايىندا قىدىر اتانىڭ قاتىسۋىمەن باسقاشا ٶتكٸزۋ دە ماڭىزدى", - دەپ اتاپ كٶرسەتتٸ بەكتاەۆ.
سونداي-اق ناۋرىز مەيرامىنىڭ تەربيەلٸك مەنٸن زەرتتەپ قانا قويماي, سونى قالىڭ بۇقاراعا جەتكٸزەتٸن عىلىمي ورتالىق كەرەك دەپ سانايدى سەناتور.
