اۋىل تۇرعىندارىنىڭ ٶمٸر ساپاسىن ارتتىرۋعا باعىتتالعان مٸندەتتەردٸڭ ورىندالۋ كٶرسەتكٸشتەرٸ جٷيەلٸ شارالار قابىلداۋدى تالاپ ەتەدٸ. بۇل تۋرالى سەناتور دٷيسەنعازى مۋسين مەلٸم ەتتٸ, دەپ حابارلايدى "ۇلت اقپارات".
«سالانىڭ ماڭىزدىلىعى ەلەمدە ازىق-تٷلٸككە دەگەن سۇرانىستىڭ ٶسۋٸنە جەنە پاندەميياعا بايلانىستى ەكونوميكانىڭ داعدارىسى اياسىندا ارتۋدا. قارالىپ وتىرعان مەملەكەتتٸك باعدارلامانىڭ جٷزەگە اسىرىلۋ كەزەڭٸندە اگروٶنەركەسٸپتٸك كەشەننٸڭ دامۋىن زاڭنامالىق قامتاماسىز ەتۋ, ونى مەملەكەتتٸك رەتتەۋ مەسەلەلەرٸ سەنات دەپۋتاتتارىنىڭ تاراپىنان تٷرلٸ ٸس-شارالار اياسىندا قامتىلىپ, قولداۋ تاپتى. ٶزدەرٸڭٸزگە مەلٸم, «اگروبيزنەس - 2017» باعدارلاماسى مەن سۋ رەسۋرستارىن باسقارۋ مەملەكەتتٸك باعدارلامالارىن ينتەگراتسييالاۋ نەگٸزٸندە ەزٸرلەنگەن بۇل قۇجات بٸر رەت ٶزەكتەندٸرٸلٸپ, ٷش رەت ٶزگەرٸس ەنگٸزٸلدٸ. ونىڭ ورىندالۋ بارىسىنا جاسالعان تالداۋ نەتيجەلەرٸ الدا اتقارىلاتىن شارالاردى ايقىنداۋ ٷشٸن ماڭىزدى», - دەدٸ د. مۋسين سەناتتاعى قازاقستاننىڭ اگروٶنەركەسٸپتٸك كەشەنٸن دامىتۋدىڭ 2017-2021 جىلدارعا ارنالعان مەملەكەتتٸك باعدارلاماسىن ٸسكە اسىرۋ تاقىرىبىنداعى ٷكٸمەت ساعاتىندا.
ونىڭ ايتۋىنشا, كٶزدەلگەن ماقساتتارعا جەتۋدە ايتارلىقتاي كەمشٸلٸكتەر بايقالدى.
«اۋىل شارۋاشىلىعى مينيسترٸنٸڭ بايانداماسىندا سالانىڭ نەگٸزگٸ ماكروەكونوميكالىق كٶرسەتكٸشتەرٸنٸڭ وڭ ٶسۋ ٷردٸسٸ قامتاماسىز ەتٸلگەنٸ ايتىلدى. باعدارلاما اۋقىمىندا قويىلعان مٸندەتتەردٸ ٸسكە اسىرۋعا ٶتكەن 4 جىلدا 2 ترلن 494 ملرد تەڭگە قاراستىرىلىپ, ٸس جٷزٸندە 66 پايىزعا عانا قارجىلاندىرىلعانمەن, قايتا ٶڭدەۋ ٶنٸمدەرٸنٸڭ ەكسپورتى - 1,5 ەسە, اۋىل شارۋاشىلىعى جالپى ٶنٸمٸنٸڭ كٶلەمٸ - 1,7 ەسە ٶسٸپ, 6,3 ترلن تەڭگەنٸ قۇراعان. الايدا, كٶزدەلگەن ماقساتتارعا, مٸندەتتەر مەن نەتيجەلەرگە جەتۋدە ايتارلىقتاي كەمشٸلٸكتەر بارشىلىق», - دەدٸ دەپۋتات.
ونىڭ پايىمىنشا, سالانىڭ ەكونوميكالىق ٶسۋٸ مەن اۋىل تۇرعىندارىنىڭ ٶمٸر ساپاسىن ارتتىرۋعا باعىتتالعان مٸندەتتەردٸڭ ورىندالۋ كٶرسەتكٸشتەرٸ جٷيەلٸ شارالار قابىلداۋدى تالاپ ەتەدٸ. بۇل قاجەتتٸلٸك ەسەپ كوميتەتٸنٸڭ اۋديتورلىق قورىتىندىلارىندا دا اتاپ ٶتٸلگەن.
«قابىلدانعان شارالارعا قاراماستان, اۋىل شارۋاشىلىعى سالاسىنىڭ ٷلەسٸ جالپى ٸشكٸ ٶنٸمنٸڭ 5-5,5 پايىزىن عانا قۇراپ, بٸرقاتار ازىق-تٷلٸك ٶنٸمدەرٸ بويىنشا يمپورتقا تەۋەلدٸلٸك ساقتالۋدا, ونىڭ كٶلەمٸ ٶتكەن جىلى 4 ملرد اقش دوللارىنان اسقان. سونىمەن قاتار, اۋىل شارۋاشىلىعى ٶنٸمدەرٸ مەن ٶڭدەلگەن ٶنٸمدٸ ٶتكٸزۋ پروبلەمالارىن رەتتەۋ, ازىق-تٷلٸك باعاسىن تۇراقتاندىرۋ ماقساتىندا ساۋدا-لوگيستيكا ينفراقۇرىلىمىن دامىتۋ, كٶتەرمە-تاراتۋ ورتالىقتارىنىڭ جەلٸسٸن قۇرۋ تۋرالى باعدارلامادا جوسپارلانعان مٸندەتتەر ناقتى شەشٸمٸن تاپپادى. وسىعان وراي, قولعا الىنىپ جاتقان 24 كٶتەرمە-تاراتۋ ورتالىعىن قۇرۋ, ٸشكٸ نارىقتى وتاندىق ازىق-تٷلٸك تاۋارلارىمەن تولىقتىرۋ ارقىلى يمپورتتى قىسقارتۋ شارالارى - ٶتە ٶزەكتٸ. بۇل رەتتە, قازٸرگٸ جاعداي كٶرسەتكەندەي, ەلٸمٸز ٷشٸن يمپورتتان تەۋەلسٸزدٸك قانشاما ماڭىزدى ەكەنٸ ايقىندالدى. اتالعان كەمشٸلٸكتەر ەل حالقىنىڭ 41 پايىزى تۇرىپ جاتقان اۋىلدىڭ احۋالىن, سالانىڭ بەسەكەگە قابٸلەتتٸلٸگٸنٸڭ دەڭگەيٸن كٶرسەتٸپ, اگرارلىق سەكتوردا جٷيەلٸ پروبلەمالاردىڭ ساقتالۋىن ايعاقتايدى», - دەدٸ سەناتور.
