بٷگٸن پارلامەنت سەناتىنىڭ جالپى وتىرىسىندا «قر ۇلتتىق قورىنان 2021 - 2023 جىلدارعا ارنالعان كەپٸلدەندٸرٸلگەن ترانسفەرت تۋرالى» زاڭى قابىلداندى, دەپ حابارلايدى قازاقپارات.
قۇجاتتا ۇلتتىق قوردان كەپٸلدەندٸرٸلگەن ترانسفەرت 2021 جىلى – 2 ترلن 700 ملرد تەڭگە, 2022 جىلى – 2 ترلن 400 ملرد تەڭگە, 2023 جىلى – 2 ترلن 200 ملرد تەڭگە سوماسىندا ەسكەرٸلگەن.
«زاڭ جوباسىندا سونداي-اق كەپٸلدەندٸرٸلگەن ترانسفەرتتٸ پايدالانۋدىڭ نىسانالى باعىتى ايقىندالدى. وسى قاراجات رەسپۋبليكالىق بيۋدجەتتەن ورتاق زەينەتاقىلاردى تٶلەۋگە جەنە مەملەكەتتٸك بازالىق زەينەتاقى تٶلەمدەرٸنە باعىتتالادى. اتالعان كەپٸلدەندٸرٸلگەن ترانسفەرت ۇلتتىق قورداعى قاراجاتتىڭ جالپى ٸشكٸ ٶنٸمنٸڭ 30 پايىز مٶلشەرٸندە تٶمەندەمەيتٸن قالدىق بويىنشا شارتتى قامتاماسىز ەتەدٸ», - دەدٸ قر ۇلتتىق ەكونوميكا مينيسترٸ رۋسلان دەلەنوۆ.
