رەسپۋبليكالىق دەڭگەيدە شەشٸم قابىلداعان كەزدە مەسليحات دەپۋتاتتارىنىڭ ۇستانىمدارى مەن پٸكٸرلەرٸنە كٶبٸرەك نازار اۋدارۋ قاجەت. بۇل تۋرالى بٷگٸن قازاقستان مەسليحاتتارىنىڭ 25 جىلدىعىنا ارنالعان رەسپۋبليكالىق كونفەرەنتسييادا قر پارلامەنتٸ سەناتىنىڭ تٶراعاسى داريعا نازارباەۆا ايتتى, دەپ حابارلايدى "ۇلت اقپارات".
«شيرەك عاسىر بۇرىن ەلٸمٸزدە مەسليحاتتارعا العاشقى سايلاۋ ٶتتٸ. قر تۇڭعىش پرەزيدەنتٸ – ەلباسىمىز نۇرسۇلتان ەبٸشۇلى نازارباەۆتىڭ باستاماسىمەن وسى كەزدەن باستاپ جەرگٸلٸكتٸ ٶكٸلدٸ ورگانداردىڭ تاريحى باستالدى. بٷگٸنگٸ كونفەرەنتسييا - اتقارىلعان جۇمىستاردىڭ قورىتىندىسىن شىعارۋعا, مەسليحات قىزمەتٸنٸڭ پەرسپەكتيۆالارى مەن پروبلەمالارى تۋرالى ايتۋعا جاقسى سەبەپ. بٸزگە جۇمىسىمىز تۋرالى, حالىقتىڭ جاعدايىن جاقسارتۋ ٷشٸن جاسالاتىن وڭ قادامدار تۋرالى بايسالدى, ٸسكەرلٸك ەڭگٸمە قاجەت. بۇل - ۋاقىت تالابى», - دەدٸ داريعا نازارباەۆا.
سەنات سپيكەرٸ مەملەكەت باسشىسى قاسىم-جومارت توقاەۆ ٶزٸنٸڭ سايلاۋالدى تۇعىرناماسىندا «ازاماتتاردىڭ شەشٸمدەر قابىلداۋ پروتسەسٸنە قاتىسۋ جەنە ولاردىڭ ٸسكە اسىرىلۋىن باقىلاۋ تەتٸكتەرٸن كٶزدەيتٸن جەرگٸلٸكتٸ ٶزٸن-ٶزٸ باسقارۋ ورگاندارىن ودان ەرٸ دامىتۋدى قولداۋ» قاجەتتٸگٸن اتاپ ٶتكەنٸن ەسكە سالدى.
«ەندٸ وسى باعىتتا ناقتى قادامدار جاسايتىن كەز كەلدٸ. جەرگٸلٸكتٸ باسقارۋ - بۇل باسقارۋدىڭ ماڭىزدى دەڭگەيٸ. ەكٸمشٸلٸك رەفورما وعان ايتارلىقتاي ٶكٸلەتتٸك بەردٸ. دەل وسى جەرگٸلٸكتٸ مەملەكەتتٸك جەنە ٶزٸن-ٶزٸ باسقارۋ ورگاندارى حالىققا بارىنشا جاقىن, ولار ەلدٸڭ ۋايىمى مەن ٷمٸتٸن جاقسى بٸلەدٸ. مەنٸڭ ايماقتارعا ٸس-ساپارلارىم, دەپۋتاتتارمەن قارىم-قاتىناس بارىسى رەسپۋبليكالىق بيۋدجەت, زاڭنامالىق جۇمىستار بويىنشا سٸزدەردە ٷلكەن پوتەنتسيال بار ەكەنٸن كٶرسەتتٸ», - دەدٸ ول.
داريعا نۇرسۇلتانقىزى مەسليحاتتىقتار بيۋدجەتتٸ جوسپارلاۋ پروتسەدۋرالارىن ٶزگەرتۋ, وعان دەپۋتاتتاردىڭ بەلسەندٸ قاتىسۋى, ايماقتىق تەكسەرۋ كوميسسييالارىن بيۋدجەت جۇمىسىنا تارتۋ مەسەلەلەرٸن نەگٸزدٸ تٷردە كٶتەرٸپ كەلە جاتقانىن ايتتى.
«بۇل وسى مەسەلەلەرگە قاتىستى بٸزدٸڭ كٶزقاراسىمىز بٸر ەكەنٸن بٸلدٸرەدٸ جەنە ارى قاراي قاي باعىتتا جٷرەتٸنٸمٸزدٸ وسىدان تٷسٸنۋگە بولادى. رەسپۋبليكالىق دەڭگەيدە شەشٸم قابىلداعان كەزدە دە ايماقتاردىڭ, ەڭ الدىمەن مەسليحات دەپۋتاتتارىنىڭ ۇستانىمدارى مەن پٸكٸرلەرٸنە كٶبٸرەك نازار اۋدارۋ قاجەت دەپ ويلايمىن», - دەدٸ سەنات تٶراعاسى.
