سەنات تٶراعاسى مەۋلەن ەشٸمباەۆ ەلدٸ الاڭداتىپ وتىرعان ٶڭٸرلەردەگٸ قۋاڭشىلىق مەسەلەسٸنە نازار اۋدارىپ, اۋىل شارۋاشىلىعى مينيسترلٸگٸن بۇل تٷيتكٸلدٸ شەشۋ ٷشٸن بەلسەندٸلٸك تانىتۋعا شاقىردى, دەپ حابارلايدى "ۇلت اقپارات".
سەنات باسپاسٶز قىزمەتٸنٸڭ حابارلاۋىنشا, الماتى وبلىسىنا جۇمىس ساپارى بارىسىندا شارۋالارمەن كەزدەسكەن سەنات سپيكەرٸ قازٸرگٸ تاڭدا ەلٸمٸزدٸڭ كەيبٸر ايماقتارىندا قۇرعاقشىلىق بەلەڭ العانىن, سوعان بايلانىستى جەرگٸلٸكتٸ شارۋاشىلىقتار ايتارلىقتاي زارداپ شەگٸپ وتىرعانىن ايتتى.
ول بۇل پروبلەماعا مەملەكەت باسشىسى دا نازار اۋدارىپ, ونى جەدەل شەشۋ ٷشٸن تيٸستٸ ورگاندارعا ناقتى تاپسىرمالار بەرگەنٸن تٸلگە تيەك ەتتٸ.
«مەملەكەت باسشىسى رەفورمالار جٶنٸندەگٸ جوعارى كەڭەستٸڭ سوڭعى وتىرىسىندا مال شارۋاشىلىعىنا ايتارلىقتاي سالدارىن تيگٸزٸپ وتىرعان قۋاڭشىلىق مەسەلەسٸنە نازار اۋداردى. قازٸرگٸ تاڭدا بۇل – بٷكٸل ەلدٸ الاڭداتىپ وتىرعان پروبلەما. سوندىقتان تيٸستٸ مينيسترلٸك وسى مەسەلەنٸ شەشۋ ٷشٸن بار كٷش-جٸگەرٸن جۇمساۋى كەرەك. بۇل جولدا جٷيەلٸ قادامدار قاجەت. اۋىل شارۋاشىلىعى مينيسترلٸگٸ جەدەل تٷردە احۋالدىڭ سالدارىن تالداپ, جاعدايدى جان-جاقتى ساراپتاپ, مەسەلەنٸ شەشۋ جولدارىن ۇسىنۋعا تيٸس», – دەدٸ مەۋلەن ەشٸمباەۆ.
سونىمەن قاتار پالاتا تٶراعاسى سەناتورلار اۋىلدىق جەرلەردٸڭ ينفراقۇرىلىمىن دامىتۋ, ۆەتەرينارييا جەنە ازىق-تٷلٸك قاۋٸپسٸزدٸگٸ مەسەلەلەرٸن دە جيٸ كٶتەرٸپ كەلە جاتقانىن اتاپ ٶتتٸ.
ول بىلتىرعى بيۋدجەتتٸڭ ورىندالۋى تۋرالى ٷكٸمەتتٸڭ ەسەبٸن قاراۋ كەزٸندە سەنات دەپۋتاتتارى اگرارلىق سالانى قارجىلاندىرۋداعى ولقىلىقتارعا نازار اۋدارعانىن ايتتى.
«اۋىل شارۋاشىلىعىنداعى نەگٸزگٸ مەسەلەلەردٸڭ بٸرٸ سالانىڭ تولىق قارجىلاندىرىلماۋى بولىپ وتىر. مىسالى, 2020 جىلى اگرارلىق سەكتورعا جوسپارلانعان قاراجاتتىڭ جارتىسىنان استامى عانا بٶلٸنگەن», – دەدٸ سەنات تٶراعاسى.
سونداي-اق, الماتى وبلىسىنىڭ شارۋالارىمەن كەزدەسۋدە قۋاڭشىلىق مەسەلەسٸن شەشۋدە جٷيەلٸ جۇمىس جٷرگٸزۋ قاجەتتٸگٸ, مۇنداي تٶتەنشە جاعدايعا دايىندىق ەردايىم باستى نازاردا بولۋ كەرەكتٸگٸ ايتىلدى.
