سەنات تٶراعاسى مەۋلەن ەشٸمباەۆ بۇۇ باس اسسامبلەياسى 75-سەسسيياسىنىڭ تٶراعاسى ۆولكان بوزكىردى قابىلدادى, دەپ حابارلايدى "ۇلت اقپارات" جوعارعى پالاتانىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا قازاقستاننىڭ بۇۇ-مەن جەنە ونىڭ قۇرىلىمدىق بٶلٸمشەلەرٸمەن ٶزارا ٸس-قيمىل مەسەلەلەرٸ سٶز بولدى.
«بٸرٸككەن ۇلتتار ۇيىمىمەن ٶزارا تىعىز بايلانىس ورناتۋ - قازاقستاننىڭ سىرتقى ساياساتىنداعى باسىم باعىتتاردىڭ بٸرٸ. بٷگٸندە قازاقستاندا ۇيىم بٶلٸمشەلەرٸنٸڭ 27 ٶكٸلدٸگٸ جۇمىس ٸستەيدٸ», – دەدٸ مەۋلەن ەشٸمباەۆ.
سونىمەن قاتار سەنات سپيكەرٸ مەملەكەت باسشىسى قاسىم-جومارت توقاەۆتىڭ باستاماسىمەن ەلٸمٸزدە ٸسكە اسىرىلىپ جاتقان ماڭىزدى ساياسي جەنە دەموكراتييالىق رەفورمالارعا توقتالىپ ٶتتٸ.
كەزدەسۋدە بۇۇ-نىڭ تۇراقتى دامۋ ماقساتتارىن ٸسكە اسىرۋ مەسەلەلەرٸ دە تالقىلاندى.
سەنات تٶراعاسىنىڭ ايتۋىنشا, بيىلعى جىلدىڭ باسىندا اتالعان ماقساتتاردىڭ ينديكاتورلارىن ۇلتتىق مٷددەگە سەيكەستەندٸرۋ اياقتالعان.
مٸندەتتەردٸڭ شامامەن 80 پايىزى ەلٸمٸزدٸڭ ستراتەگييالىق جوسپارلاۋ قۇجاتتارىنا ساي ينتەگراتسييالانعان.
سەنات سپيكەرٸ سول ماقساتتاردى ٸسكە اسىرۋدا پارلامەنت دەپۋتاتتارى ٷلكەن رٶل اتقاراتىنىن ايتتى.
«تۇراقتى دامۋ ماقساتتارىنا قول جەتكٸزۋدە ۇلتتىق پارلامەنتتەردٸڭ ماڭىزى اسا زور. دەپۋتاتتار تيٸستٸ زاڭداردى قابىلداي وتىرىپ, كٶزدەلگەن مٸندەتتەردٸ ورىنداۋدى قامتاماسىز ەتەدٸ. وسى رەتتە قازاقستان سەناتورلارى تۇراقتى دامۋ ماقساتتارىن ٸسكە اسىرۋ جولىندا ىنتىماقتاسۋعا جەنە ىقپالداسۋعا دايىن ەكەنٸن جەتكٸزگٸم كەلەدٸ», – دەدٸ مەۋلەن ەشٸمباەۆ.
كەزدەسۋ سوڭىندا سەنات تٶراعاسى بۇۇ باس اسسامبلەياسىنىڭ حالىقارالىق يادرولىق سىناقتارعا قارسى ٸس-قيمىل كٷنٸنە ارنالعان دەستٷرلٸ پلەنارلىق وتىرىسىن ٶتكٸزۋ جوسپارعا ەنگٸزٸلگەنٸ ٷشٸن مەيمانعا ريزاشىلىعىن بٸلدٸردٸ.
مەۋلەن ەشٸمباەۆ قازاقستاننىڭ بۇل كٷنگە ەرەكشە مەن بەرەتٸنٸن ايتتى.
سونداي-اق, ول 29 تامىز - سەمەي پوليگونىنىڭ رەسمي تٷردە جابىلعان كٷنٸ ەكەنٸن, بۇل قازاقستان ٷشٸن عانا ەمەس, بارشا ادامزات ٷشٸن تاريحي ماڭىزدى داتا سانالاتىنىن تٸلگە تيەك ەتتٸ.
