بٷگٸن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە كٶرنەكٸ اقپارات جەنە دٸني قىزمەت مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸ وقىلىمدا قارالدى. قۇجاتقا تٷزەتۋلەر ەنگٸزٸلگەندٸكتەن, زاڭ جوباسى مەجٸلٸسكە قايتارىلدى, دەپ حابارلايدى قازاقپارات.
بۇدان بۇرىن حابارلانعانداي, اتالعان قۇجات اياسىندا سىرتقى جارنامالاردىڭ قازاق تٸلٸندە دۇرىس جازىلۋىنا ەكپٸن قويىلىپ وتىر.
«بٷگٸن قارالعان زاڭ جوباسى اقپاراتقا قولجەتٸمدٸلٸكتٸ قامتاماسىز ەتۋ ماقساتىمەن كٶرنەكٸ اقپاراتتى جازۋعا قويىلاتىن تالاپتاردى ناقتىلايدى. بۇل كٶلٸك جەنە ساۋدا سالاسىندا, دەرٸ-دەرمەكتەر مەن مەديتسينالىق زاتتاردى تاڭبالاۋعا, پوشتا قىزمەتتەرٸن كٶرسەتۋگە قاتىستى. سونىمەن قاتار, ەكٸمشٸلٸك-اۋماقتىق بٸرلٸكتەردٸڭ تاريحي قالىپتاسقان اتاۋلارىنىڭ جازىلۋىنا قويىلاتىن تالاپتاردى بەلگٸلەيدٸ. زاڭ جوباسى دٸني بوستاندىق سالاسىنداعى ٶزگەرٸستەردٸ دە قاراستىرادى. بۇل رەتتە سەناتورلار قۇجاتقا ار-وجدان بوستاندىعىن قامتاماسىز ەتۋگە جەنە دٸني ٸس-شارالار ٶتكٸزۋ تەرتٸبٸن جەڭٸلدەتۋگە ارنالعان بٸرقاتار ماڭىزدى ٶزگەرٸستەر ەنگٸزدٸ. بۇل تٷزەتۋلەرگە حالىقارالىق ساراپشىلار وڭ باعا بەردٸ», - دەدٸ سەنات تٶراعاسى مەۋلەن ەشٸمباەۆ.
زاڭ جوباسى:
- كٶرنەكٸ اقپاراتتاردىڭ دۇرىس ەمەس رەسٸمدەلۋٸنە, مەتٸندەردٸڭ بٸر تٸلدە عانا ورنالاستىرىلۋىنا, دۇرىس اۋدارىلماۋىنا قاتىستى تيٸستٸ تالاپتاردىڭ بۇزىلۋىنىڭ الدىن الۋ, قوعامدا تٸل ساياساتىنا قاتىستى وڭ كٶزقاراس قالىپتاستىرۋ;
- كونفەسسيياارالىق كەلٸسٸم جەنە ٶزارا ٸس-قيمىل جاساۋ ٷشٸن قولايلى جاعدايلار تۋعىزۋ;
- دٸن سالاسىندا جەكە جەنە زاڭدى تۇلعالاردىڭ قۇقىقتارىن قامتاماسىز ەتۋ ماقساتىندا ەزٸرلەنٸپ وتىر.
سەناتور ايگٷل قاپباروۆانىڭ ايتۋىنشا, زاڭ جوباسى بٸرٸنشٸ وقىلىمدا ماقۇلدانعاننان كەيٸن, كوميتەتپەن تالقىلاۋ بارىسىندا مەجٸلٸس ماقۇلداعان زاڭ جوباسىنا كەلەسٸ مەسەلەلەر بويىنشا ٶزگەرٸستەر ەنگٸزۋ قاجەتتٸلٸگٸ تۋىندادى:
- «دٸني مازمۇنداعى اقپاراتتىق ماتەريال» تەرمينٸنٸڭ رەداكتسيياسىن ناقتىلاۋ, ماعىنالىق جەنە قۇقىقتىق جٷكتەمەنٸڭ بولماۋىنا بايلانىستى انىقتامادان «مەتٸندٸك سٸلتەمەلەردٸ قوسا العاندا» دەگەن سٶزدەردٸ الىپ تاستاۋ;
- «دٸني قىزمەت جەنە دٸني بٸرلەستٸكتەر تۋرالى» زاڭدا ار-وجدان بوستاندىعى قۇقىعىن جٷزەگە اسىرۋ پارامەترلەرٸن انىقتاۋ;
- عيبادات ٷيلەرٸنەن (عيماراتتاردان) تىس ٶتكٸزٸلەتٸن دٸني ٸس-شارالاردى الدىن الا حابارلاما بەرۋ نەمەسە بەرمەۋٸ بويىنشا ناقتىلاۋ, سەيكەسٸنشە عيبادات ەتۋ ورىندارىندا, زيراتتار مەن كرەماتورييلەردە, تۇرعىن ٷيلەردە, قوعامدىق تاماقتانۋ وبەكتٸلەرٸندە جٷرگٸزٸلەتٸن دٸني ٸس-شارالار حابارلانبايتىن بولادى, ٶيتكەنٸ ولار زاڭناماعا سەيكەس كەدەرگٸسٸز جٷرگٸزٸلۋگە تيٸس;
- دٸني بٸرلەستٸكتەردٸڭ عيبادات ٷيلەرٸنەن (عيماراتتاردان) تىس جەرلەردە دٸني ٸس-شارالار ٶتكٸزۋ تۋرالى حابارلاما بەرۋ رەسٸمٸن جەڭٸلدەتۋ.
«اتاپ ايتقاندا, حابارلاما بەرۋ تەرتٸبٸنەن قوعامدىق تەرتٸپتٸ ساقتاۋدى قامتاماسىز ەتۋگە, مەديتسينالىق كٶمەكتٸ جەنە ٶزگە دە قاجەتتٸ كٶمەكتٸ ۇيىمداستىرۋعا جەردەمدەسۋ شارالارى بويىنشا تالاپتاردى, اۆتوموبيل كٶلٸگٸ قۇرالدارىن پايدالانۋدا ولاردىڭ ساناتتارىنا, باعىتتىڭ ۇزىندىعىنا, باستالۋ جەنە اياقتالۋ ورنىن قوسا العاندا, ولاردىڭ جٷرۋ باعىتىنا قاتىستى تالاپتاردى جەنە دٸني بٸرلەستٸك باسشىسىنىڭ حابارلامادا كٶرسەتٸلگەن اقپاراتتىڭ تولىقتىعى بويىنشا جاۋاپتىلىعىنا قاتىستى تالاپتاردى الىپ تاستاۋ سىندى جەڭٸلدەتۋ شارالارى ۇسىنىلادى», - دەدٸ سەناتور.
