- پارلامەنت سەناتى جالپى وتىرىستا «قازاقستان رەسپۋبليكاسىنىڭ ٷكٸمەتٸ مەن اتوم ەنەرگيياسى جٶنٸندەگٸ حالىقارالىق اگەنتتٸك اراسىنداعى قازاقستان رەسپۋبليكاسىندا اتوم ەنەرگيياسى جٶنٸندەگٸ حالىقارالىق اگەنتتٸكتٸڭ تٶمەن بايىتىلعان ۋران بانكٸن قۇرۋ تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسىن ماقۇلدادى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
اتاپ ايتقاندا, حالىقارالىق تٶمەن بايىتىلعان ۋران بانكٸ اتوم ەنەرگيياسى جٶنٸندەگٸ حالىقارالىق اگەنتتٸككە مٷشە مەملەكەتتەردٸڭ اتوم ستانسالارىنا يادرولىق وتىندى كەپٸلدٸ جەتكٸزۋدٸ قامتاماسىز ەتۋ ٷشٸن اگەنتتٸكتٸڭ قولداۋىمەن قۇرىلادى جەنە وسى اگەنتتٸككە مٷشە ەلدەردٸڭ بٸرٸندە ورنالاسقان تٶمەن بايىتىلعان ۋران قويماسىن قامتيدى. وسىنداي بانكتٸ قۇرۋ باستاماسىن ۇسىنعان اگەنتتٸك وپەراتور ەلگە بٸرنەشە تالاپ قويادى.
«ەل يادرولىق ەمەس مەرتەبەگە, يادرولىق تسيكلدٸڭ بۇل بٶلٸگٸندە تەحنولوگييالارعا جەنە تەجٸريبەگە, تيٸستٸ ينفراقۇرىلىمعا, اتوم ەنەرگيياسى جٶنٸندەگٸ حالىقارالىق اگەنتتٸكتٸڭ سەنٸمٸنە يە بولۋعا تيٸس. بۇنىڭ بارلىعى قازاقستاندا بار, ەڭ الدىمەن جينالعان تەجٸريبەنٸڭ ارقاسىندا», - دەدٸ قر ەنەرگەتيكا مينيسترٸ قانات بوزىمباەۆ زاڭ جوباسىن تانىستىرۋ بارىسىندا.
مينيستردٸڭ سٶزٸنە قاراعاندا, قازاقستان ٸرٸ ۋران ٶندٸرۋشٸ جەنە جوعارى بايىتىلعان ۋراندى تٶمەن بايىتىلعان ۋران فورماسىنا قايتا ٶڭدەۋ مٷمكٸندٸكتەرٸنە يە بولا وتىرىپ, بەيبٸت يادرولىق ەنەرگەتيكانى دامىتۋعا ٶز ٷلەسٸن قوسۋعا نيەتتٸ. 2011 جىلعى 29 شٸلدەدە قازاقستان ٶز اۋماعىندا تٶمەن بايىتىلعان ۋران بانكٸن ورنالاستىرۋ نيەتٸ تۋرالى رەسمي ٶتٸنٸمدٸ حالىقارالىق اگەنتتٸككە جٸبەردٸ. ٶتٸنٸمدە قاراستىرۋ ٷشٸن ەكٸ الاڭ ۇسىنىلدى, ياعني ٶسكەمەندەگٸ ٷلبٸ مەتاللۋرگييالىق زاۋىتى جەنە بۇرىنعى سەمەي سىناق پوليگونى اۋماعىنداعى №5 الاڭى قامتىلدى. 2011 جىلى 29 تامىزدان 2 قىركٷيەك ارالىعىندا اتوم ەنەرگيياسى جٶنٸندەگٸ حالىقارالىق اگەنتتٸكتٸڭ تەحنيكالىق ميسسيياسى قوسىلعان الاڭداردى قاراپ, ٷلبٸ مەتاللۋرگييالىق زاۋىتىن تاڭدادى. بۇل 65 جىلدىق تاريحى بار كەسٸپورىن, ونىڭ 45 جىلدان استام مەرزٸمٸندە وسىنداي ماتەريالمەن جۇمىس ٸستەۋ تەجٸريبەسٸ بار.
.jpeg)