پارلامەنت سەناتىنىڭ جالپى وتىرىسىندا «2014 جىلعى 29 مامىرداعى ەاەو تۋرالى شارتقا قىرعىز رەسپۋبليكاسىنىڭ قوسىلۋىنا بايلانىستى قىرعىز رەسپۋبليكاسىنىڭ 2014 جىلعى 29 مامىرداعى ەاەو تۋرالى شارتتى, ەاەو-نىڭ قۇقىعىنا كٸرەتٸن جەكەلەگەن حالىقارالىق شارتتاردى جەنە ەاەو ورگاندارىنىڭ اكتٸلەرٸن قولدانۋى جٶنٸندەگٸ جاعدايلار مەن ٶتپەلٸ ەرەجەلەر تۋرالى 2015 جىلعى 8 مامىرداعى حاتتاماعا ٶزگەرٸستەر ەنگٸزۋ تۋرالى حاتتامانى راتيفيكاتسييالاۋ تۋرالى» زاڭى قابىلداندى, دەپ حابارلايدى "ۇلت اقپارات".
«قىرعىز رەسپۋبليكاسىنىڭ ەۋرازييالىق ەكونوميكالىق وداق تۋرالى شارتتى قولدانۋى جٶنٸندەگٸ جاعدايلار مەن ٶتپەلٸ ەرەجەلەر تۋرالى حاتتامامەن قىرعىز رەسپۋبليكاسىنا 2020 جىلعى 1 قاڭتارعا دەيٸن كەيبٸر تاۋارلارعا قاتىستى ەاەو-نىڭ بٸرىڭعاي كەدەندٸك تاريفٸندە كٶزدەلگەننەن نەعۇرلىم تٶمەن يمپورتتىق كەدەن باجداردى قولدانۋعا مٷمكٸندٸك بەرٸلدٸ», - دەپ ەسكە سالدى ساۋدا جەنە ينتەگراتسييا مينيسترٸ باقىت سۇلتانوۆ.
ونىڭ ايتۋىنشا, مەملەكەتتٸڭ تۇراقسىز ەكونوميكالىق جەنە ەلەۋمەتتٸك جاعدايىن ەسكەرە وتىرىپ, قىرعىز رەسپۋبليكاسىنىڭ پرەزيدەنتٸ 2019 جىلعى جەلتوقساندا ەۋرازييالىق ەكونوميكالىق وداق مەملەكەتتەرٸ باسشىلارىنىڭ سامميتٸ بارىسىندا الىپ قويىلاتىن تاۋارلارىنا قاتىستى نەعۇرلىم تٶمەن باجداردى قولدانۋ مەرزٸمٸن ۇزارتۋ تۋرالى ٶتٸنٸش بٸلدٸردٸ. تالقىلاۋ قورىتىندىسى بويىنشا مەملەكەت باسشىلارى, سونداي-اق جوعارى ەۋرازييالىق ەكونوميكالىق كەڭەستٸڭ قۇرمەتتٸ تٶراعاسى – قر تۇڭعىش پرەزيدەنتٸ نۇرسۇلتان نازارباەۆ ٶتپەلٸ كەزەڭدٸ 1 جىلعا ۇزارتۋعا كەلٸستٸ.
2021 جىلعى 1 قاڭتاردان باستاپ قىرعىز رەسپۋبليكاسى بارلىق تاۋارلارعا قاتىستى ەۋرازييالىق ەكونوميكالىق وداقتىڭ بٸرىڭعاي كەدەندٸك تاريفٸنٸڭ مٶلشەرلەمەلەرٸنە كٶشتٸ.
