Parlament Senatynyń jalpy otyrysynda «2014 jylǵy 29 mamyrdaǵy EAEO týraly shartqa Qyrǵyz Respýblikasynyń qosylýyna bailanysty Qyrǵyz Respýblikasynyń 2014 jylǵy 29 mamyrdaǵy EAEO týraly shartty, EAEO-nyń quqyǵyna kiretin jekelegen halyqaralyq sharttardy jáne EAEO organdarynyń aktilerin qoldanýy jónindegi jaǵdailar men ótpeli erejeler týraly 2015 jylǵy 8 mamyrdaǵy hattamaǵa ózgerister engizý týraly hattamany ratifikatsiialaý týraly» Zańy qabyldandy, dep habarlaidy "Ult aqparat".
«Qyrǵyz Respýblikasynyń Eýraziialyq ekonomikalyq odaq týraly shartty qoldanýy jónindegi jaǵdailar men ótpeli erejeler týraly hattamamen Qyrǵyz Respýblikasyna 2020 jylǵy 1 qańtarǵa deiin keibir taýarlarǵa qatysty EAEO-nyń Biryńǵai kedendik tarifinde kózdelgennen neǵurlym tómen importtyq keden bajdardy qoldanýǵa múmkindik berildi», - dep eske saldy Saýda jáne integratsiia ministri Baqyt Sultanov.
Onyń aitýynsha, memlekettiń turaqsyz ekonomikalyq jáne áleýmettik jaǵdaiyn eskere otyryp, Qyrǵyz Respýblikasynyń Prezidenti 2019 jylǵy jeltoqsanda Eýraziialyq ekonomikalyq odaq memleketteri basshylarynyń sammiti barysynda alyp qoiylatyn taýarlaryna qatysty neǵurlym tómen bajdardy qoldaný merzimin uzartý týraly ótinish bildirdi. Talqylaý qorytyndysy boiynsha memleket basshylary, sondai-aq Joǵary Eýraziialyq ekonomikalyq keńestiń qurmetti tóraǵasy – QR Tuńǵysh Prezidenti Nursultan Nazarbaev ótpeli kezeńdi 1 jylǵa uzartýǵa kelisti.
2021 jylǵy 1 qańtardan bastap Qyrǵyz Respýblikasy barlyq taýarlarǵa qatysty Eýraziialyq ekonomikalyq odaqtyń Biryńǵai kedendik tarifiniń mólsherlemelerine kóshti.
