فوتو: قر تسم
استانادا ەرلەر مەن ەيەلدەر اراسىندا ساپى بويىنشا سەمسەرلەسۋدەن ەلەم كۋبوگٸ ٶتٸپ جاتىر. بۇل – حالىقارالىق سەمسەرلەسۋ فەدەراتسيياسى (FIE) قولداۋىمەن ۇيىمداستىرىلاتىن ماڭىزدى تۋرنيرلەردٸڭ بٸرٸ. قازاقستان مۇنداي دەڭگەيدەگٸ جارىستى تاريحتا العاش رەت قابىلداپ وتىر.
FIE حالىقارالىق كٷنتٸزبەسٸنە جىل سايىن وسى ساناتتاعى نەبەرٸ بەس تۋرنير ەنەدٸ. اتالعان جارىس دەستٷرلٸ تٷردە شۆەيتسارييا, گەرمانييا, باە جەنە كانادادا ٶتەدٸ. بيىلدان باستاپ بۇل تٸزٸمگە العاش رەت قازاقستان قوسىلىپ, ورتالىق ازييادا ەلەم كۋبوگٸن ٶتكٸزۋ قۇقىعىنا يە بولعان العاشقى ەل اتاندى.
جارىس 26-29 ناۋرىز كٷندەرٸ استانادا ٶتٸپ جاتىر. تۋرنيرگە ەلەمنٸڭ 46 ەلٸنەن شامامەن 500 سپورتشى قاتىسۋدا: ولاردىڭ 222-سٸ ەيەلدەر, 272-سٸ ەرلەر. كوماندالىق سايىستارعا 31 ەرلەر جەنە 23 ەيەلدەر قۇراماسى قاتىسادى. باپكەرلەر, تٶرەشٸلەر مەن ۇيىمداستىرۋشىلاردى قوسقاندا, قاتىسۋشىلاردىڭ جالپى سانى 1000 ادامنان اسادى.
اشىلۋ سالتاناتىنا تۋريزم جەنە سپورت مينيسترٸنٸڭ ورىنباسارى سەرٸك جاراسباەۆ قاتىستى.
«مەملەكەت باسشىسىنىڭ تاپسىرماسىمەن سپورت سالاسىندا اۋقىمدى رەفورمالار جٷزەگە اسىرىلىپ جاتىر. سونىڭ العاشقى نەتيجەلەرٸ قازٸردٸڭ ٶزٸندە بايقالۋدا. بيىلدان باستاپ بالالار مەن جاسٶسپٸرٸمدەر سپورت مەكتەپتەرٸ باپكەرلەرٸنٸڭ جالاقىسى 30%-عا ارتتى. بالالار سپورتىنا بٶلٸنەتٸن قارجى شامامەن ەكٸ ەسەگە كٶبەيدٸ. باسىم سپورت تٷرلەرٸ ايقىندالدى, لەگيونەرلەردٸ مەملەكەتتٸك قارجىلاندىرۋ توقتاتىلدى, ۇلتتىق سپورت تٷرلەرٸنە وليمپيادالىق سپورت تٷرلەرٸمەن تەڭ مەرتەبە بەرٸلدٸ. سونداي-اق حالىقارالىق ىنتىماقتاستىق كەڭەيٸپ كەلەدٸ. سپورتشىلارىمىز حالىقارالىق ارەنادا تابىستى ٶنەر كٶرسەتٸپ, ەل ابىرويىن اسقاقتاتۋدا. ەلەۋەتتٸ سپورت رەزەرۆٸ قالىپتاسىپ, بالالار سپورتى دامىپ كەلە جاتقانىن ايتا كەتكەن جٶن. وسىنداي دەڭگەيدەگٸ جارىستىڭ ەلٸمٸزدە ٶتۋٸ – قازاقستاننىڭ حالىقارالىق سپورت ارەناسىنداعى بەدەلٸنٸڭ ارتىپ كەلە جاتقانىن كٶرسەتەدٸ», – دەدٸ مينيستردٸڭ ورىنباسارى.
تۋرنيردە قازاقستان اتىنان 30 سپورتشى باق سىناۋدا. ولاردىڭ قاتارىندا رۋسلان قۇربانوۆ, ەلمير ەلٸمجانوۆ, ەرلٸك سەرتاي, كيريلل پروحودوۆ جەنە ۆاديم شارلايموۆ بار. ەيەلدەر اراسىندا 24 سپورتشى ٶنەر كٶرسەتەدٸ, ولاردىڭ ٸشٸندە ۋليانا پيستسوۆا, سوفييا نيكولايچۋك, كارولينا فومينا جەنە ۆلاديسلاۆا اندرەەۆا بار.
ەسكە سالا كەتەيٸك, بىلتىر قازاقستان قۇراماسى سەمسەرلەسۋدەن ەلەم چەمپيوناتىندا قولا جٷلدە يەلەنٸپ, تاريحي جەتٸستٸككە قول جەتكٸزگەن ەدٸ. ال 2024 جىلعى پاريج وليمپياداسىندا ۇلتتىق قۇراما 6-ورىن الدى. قۇراما تابىسىنا ارنايى شاقىرىلعان باس باپكەر ولەكساندر گورباچۋك زور ٷلەس قوسىپ وتىر. ونىڭ جەتەكشٸلٸگٸمەن جاپونييا قۇراماسى توكيو جەنە پاريج وليمپيادالارىندا, سونداي-اق 2018 جەنە 2022 جىلعى ازييا ويىندارىندا چەمپيون اتانعان.
