سەمەي قالاسى تۇرعىندارىنىڭ جىلۋعا قارىزى 375 ملن تەڭگەگە جەتٸپ وتىر, دەپ حابارلايدى "ۇلت اقپارات".
بٷگٸنگٸ تاڭدا شاھار تۇرعىندارىنىڭ جىلۋعا قارىزى 375 ميلليون تەڭگەنٸ قۇرايدى. ونىڭ ٸشٸندە 250 ملن-نان استامى جەكە تۇلعالارعا, ال 124 ميلليونى زاڭدى تۇلعالارعا تيەسٸلٸ. ەندٸ قارىزىن ٶتەمەگەن بورىشكەرلەر جىلۋمەن قامتاماسىز ەتٸلمەيتٸن بولادى.
«جٷز مىڭ تەڭگەدەن استام قارىزى بار ابونەنتتەردٸ ٶشٸرەمٸز. بەرەشەگٸ جٷز مىڭنان از تۇرعىندارمەن سوت ورىنداۋشىلارى اينالىسادى. جىلىتۋ ماۋسىمىنىڭ سوڭىندا تٶلەم جٶنٸندە حابارلاما جٸبەرٸلگەن سوڭ, وعان بٸر-ەكٸ اي كٶلەمٸندە ۋاقىت بەرٸلەدٸ. الايدا ازاماتتار بۇل ەسكەرتۋدٸ مٷلدە ەلەمەيدٸ. سوندىقتان تٶلەمەگەندەر جىلۋدان اجىراتىلادى. بۇل كەلٸسٸم-شارتتا كٶرسەتٸلگەن», – دەيدٸ سەمەي قالالىق جىلۋ ينسپەكتسيياسى باسشىسىنىڭ ورىنباسارى ەرٸك رايىمجانوۆ.
ونىڭ ايتۋىنشا, جىلۋدى قايتا قوستىرۋ ٷشٸن ابونەنت 70 مىڭ تەڭگەگە شىعىندالادى. زاڭدى تۇلعالار ٷشٸن قايتا قوسىلۋ باعاسى بۇدان دا قىمبات.
