سەمەيلٸك زەينەتكەر روستيسلاۆ پولكوۆسكيي شىعىس قازاقستان وبلىسىنداعى ساعاتتىق بەلدەۋدٸ ٶزگەرتۋدٸ ۇسىندى, دەپ حابارلايدى قازاقپارات.
وسىنداي ۇسىنىستى ول ايماق باسشىسى دانيال احمەتوۆكە جولداعان.
«ٶڭٸر تۇرعىندارى ٶز ۋاقىت بەلدەۋٸندە تۇرىپ جاتقان جوق. جازدىڭ كٷنٸ ساعات 21:00-دە قاراڭعى تٷسە باستايدى. بالالاردى ٷيگە كٸرگٸزٸپ, جارىق قوسامىز. ال ساعات 04.00-دە كٷن شىعىپ, ونىڭ ادامعا پايداسى مول سەۋلەسٸ تٷسكەندە بٸز ۇيقىدا جاتامىز. ال تاڭەرتەڭ ساعات 9.00-دا, بازاردا ٸستەيتٸن حالىق 10.00-دا جۇمىسقا جول تارتقاندا كٷن قاتتى ىسىپ كەتەدٸ», - دەپ جازادى روستيسلاۆ پولكوۆسكيي.
زەينەتكەر ساعات تٸلٸن بٸر ساعاتقا العا جىلجىتۋدى ۇسىنىپ وتىر. ونىڭ ايتۋىنشا, ۋاقىت بەلدەۋٸن ٶزگەرتۋ وبلىس جۇرتشىلىعىنىڭ دەنساۋلىعىن جاقسارتىپ, ەلەكتر قۋاتىن ٷنەمدەيدٸ.
«بۇعان شىعىس قازاقستاننىڭ ميلليوننان استام تۇرعىنى ريزا بولادى. ال ٶسكەمەن, التاي جەنە باسقا دا قالالار مەن ەلدٸ مەكەندەر وسىدان دا قيىن جاعدايدا ٶمٸر سٷرٸپ جاتىر. ٶيتكەنٸ وندا كٷن سەمەيدەن دە ەرتە باتادى», - دەيدٸ ر. پولكوۆسكيي.
سەمەي تۇرعىنى قالالىق مەسليحات دەپۋتاتى گٷلجانات راحاتقىزىنا وسىنداي ۇسىنىسپەن جٷگٸنگەن بولاتىن. قازٸرگٸ ۋاقىتتا حات وبلىس ەكٸمٸ دانيال احمەتوۆكە جولداندى.
ايتا كەتەيٸك, بٷگٸندە سەمەيدە كٷن 7:45-تە, ٶسكەمەندە 7:35-تە, ەلوردادا 8:22-دە شىعادى. ياعني, بٸر ساعاتقا جۋىق ايىرماشىلىق بار.
