سەمەي قالاسىندا وقۋشىلار 3 مىڭ رۋبيك تەكشەسٸنەن الاش كٶسەمٸ ەليحان بٶكەيحاننىڭ پاننو پورترەتٸن جاساپ شىقتى, دەپ حابارلايدى "ۇلت اقپارات".
31 مامىر – ساياسي قۋعىن-سٷرگٸن قۇرباندارىن ەسكە الۋ كٷنٸنە وراي قولعا الىنعان باستاماعا سەمەيدەگٸ قازاق يننوۆاتسييالىق گۋمانيتارلىق-زاڭ ۋنيۆەرسيتەتٸ مۇرىندىق بولىپ وتىر.
«بۇعان دەيٸن «قازاقستان سپيدكۋبينگ فەدەراتسيياسى» قوعامدىق بٸرلەستٸگٸ ٶكٸلدەرٸنٸڭ 9 مامىردا مەرگەن قىز ەلييا مولداعۇلوۆانىڭ پورترەتٸن رۋبيك تەكشەسٸنەن جاساعانىن كٶرگەن بولاتىنبىز. سٶيتٸپ, ساياسي قۋعىن-سٷرگٸن قۇرباندارىن ەسكە الۋ كٷنٸندە قوعام جەنە مەملەكەت قايراتكەرٸ ەليحان بٶكەيحاننىڭ پورترەتٸن جاساتۋ جايلى وي تۋدى. بۇنداعى ماقسات – الاش ارداقتىسىن ٶسكەلەڭ ۇرپاققا ناسيحاتتاۋ, جاستارعا مەسسەندج جاساۋ», - دەدٸ ۋنيۆەرسيتەتتٸڭ گۋمانيتارلىق فاكۋلتەت دەكانىنىڭ ورىنباسارى ازامات ازاتوۆ.
ونىڭ ايتۋىنشا, پاننو پورترەتكە 3 مىڭ رۋبيك تەكشەسٸ كەتكەن. سالماعى – 450 كەلٸ, بيٸكتٸگٸ – 3,4 مەتر, ەنٸ – 2,8 مەتر. 6 وقۋشى ونى 8 ساعاتتا جاساپ شىعىپتى.
