Semei qalasynda oqýshylar 3 myń rýbik tekshesinen Alash kósemi Álihan Bókeihannyń panno portretin jasap shyqty, dep habarlaidy "Ult aqparat".
31 mamyr – Saiasi qýǵyn-súrgin qurbandaryn eske alý kúnine orai qolǵa alynǵan bastamaǵa Semeidegi Qazaq innovatsiialyq gýmanitarlyq-zań ýniversiteti muryndyq bolyp otyr.
«Buǵan deiin «Qazaqstan spidkýbing federatsiiasy» qoǵamdyq birlestigi ókilderiniń 9 mamyrda mergen qyz Áliia Moldaǵulovanyń portretin rýbik tekshesinen jasaǵanyn kórgen bolatynbyz. Sóitip, Saiasi qýǵyn-súrgin qurbandaryn eske alý kúninde qoǵam jáne memleket qairatkeri Álihan Bókeihannyń portretin jasatý jaily oi týdy. Bundaǵy maqsat – Alash ardaqtysyn óskeleń urpaqqa nasihattaý, jastarǵa messendj jasaý», - dedi ýniversitettiń gýmanitarlyq fakýltet dekanynyń orynbasary Azamat Azatov.
Onyń aitýynsha, panno portretke 3 myń rýbik tekshesi ketken. Salmaǵy – 450 keli, biiktigi – 3,4 metr, eni – 2,8 metr. 6 oqýshy ony 8 saǵatta jasap shyǵypty.
