سەمەي قالاسىنداعى دەنە شىنىقتىرۋ-ساۋىقتىرۋ كەشەنٸنە وليمپيادا چەمپيونى جاقسىلىق ٷشكەمپٸروۆتٸڭ ەسٸمٸ بەرٸلدٸ, دەپ حابارلايدى "ۇلت اقپارات" سەمەي قالاسىنىڭ اقپارات ورتالىعىنا سٸلتەمە جاساپ.
دەنە شىنىقتىرۋ-ساۋىقتىرۋ كەشەنٸندە ٶتكەن سالتاناتتى شاراعا وبلىس ەكٸمٸ دانيال احمەتوۆ قاتىستى.
«سپورت كەشەنٸنە جاقسىلىق ٷشكەمپٸروۆتىڭ ەسٸمٸنٸڭ بەرٸلۋٸ مەنٸ قۋانتادى. ول سپورتتا اتى اڭىزعا اينالعان تۇلعا عانا ەمەس, ەڭبەكتٸڭ شىڭىنا شىققان قايراتكەر. ەربٸر قازاقستاندىق وسىنداي بولۋى كەرەك. كەلەسٸ جىلدان باستاپ وليمپيادا چەمپيونى جاقسىلىق ٷشكەمپٸروۆتىڭ جٷلدەسٸنە ارنالعان جارىس ٶتكٸزۋدٸ جوسپارلاپ وتىرمىز. ول تۋرنير جىل سايىن بالالار مەن جاستار اراسىندا ٶتكٸزٸلەدٸ», - دەدٸ دانيال احمەتوۆ.
سەمەي - سپورتشىنىڭ ٶمٸرٸندە تەرەڭ ٸز قالدىرعان قالا. وليمپيادا چەمپيونى جاس كەزٸندە قارت سەمەيدەگٸ زووۆەتينستيتۋتتا وقىعان.
جاقسىلىق ٷشكەمپٸروۆ 1951 جىلى 6 مامىردا قازاق كسر جامبىل وبلىسى سۆەردلوۆ اۋدانى «چاپاەۆ» سوۆحوزىندا دٷنيەگە كەلگەن. ول - كسرو ەڭبەك سٸڭٸرگەن سپورت شەبەرٸ, قازاق كسر ەڭبەك سٸڭٸرگەن جاتتىقتىرۋشىسى, كلاسسيكالىق كٷرەستەن وليمپيادا چەمپيونى, ەركٸن كٷرەستەن قازاق كسر چەمپيونى, ەلەم چەمپيونى (1981), ەلەم كۋبوگىنىڭ ەكٸنشٸ جٷلدەگەرٸ (1982), ەۋروپا چەمپيوناتىنىڭ ەكٸنشٸ جٷلدەگەرٸ (1980), كسرو ەكٸ دٷركٸن چەمپيونى (1975, 1980), كسرو چەمپيوناتىنىڭ كٷمٸس جٷلدەگەرٸ (1978, 1979), كسرو چەمپيوناتىنىڭ قولا جٷلدەگەرٸ (1973, 1977) جەنە كسرو حالىقتارىنىڭ سپارتاكياداسىنىڭ چەمپيونى (1975).
