بٷگٸن سەمەي قالاسىنداعى ەليحان بٶكەيحان ۋنيۆەرسيتەتٸندە «AMANAT» پارتيياسىنىڭ «TURGYNDAR AMANATY» جوباسى اياسىندا «ٷيدٸ باسقارۋ: جاۋاپكەرشٸلٸك, سەنٸم, نەتيجە» اتتى ٶڭٸرلٸك فورۋم ٶتتٸ. شاراعا وبلىس ەكٸمٸ بەرٸك ۋەلي, «AMANAT» پارتيياسىنىڭ حاتشىسى ەرجان جىلقىباەۆ قاتىستى.
فورۋم بارىسىندا كٶپپەتەرلٸ تۇرعىن ٷيلەردٸ باسقارۋدىڭ ٶزەكتٸ مەسەلەلەرٸ, مٷلٸك يەلەرٸ بٸرلەستٸكتەرٸ مەن پەتەر يەلەرٸ كووپەراتيۆتەرٸنٸڭ دامۋى, تۇرعىندارمەن تيٸمدٸ كوممۋنيكاتسييا ورناتۋ, سونداي-اق باسقارۋ تەتٸكتەرٸن جەتٸلدٸرۋ باعىتتارى تالقىلاندى.
«جوبا اياسىندا كٶپپەتەرلٸ تۇرعىن ٷيلەردٸ باسقارۋ پروتسەستەرٸنٸڭ اشىقتىعىن ارتتىرۋ, قارجىلىق ەسەپتٸلٸكتٸ تسيفرلاندىرۋ, تۇرعىنداردىڭ شەشٸم قابىلداۋ پروتسەسٸنە بەلسەندٸ قاتىسۋىن قامتاماسىز ەتۋ, سونداي-اق سەرۆيستٸك قىزمەتتەردٸڭ ساپاسىن جاقسارتۋ بويىنشا ناقتى شارالار قاراستىرىلعان. بۇل ٶز كەزەگٸندە تۇرعىن ٷي قورىن تيٸمدٸ باسقارۋعا, ينفراقۇرىلىمنىڭ جاي-كٷيٸن جاقسارتۋعا جەنە ازاماتتاردىڭ ٶمٸر سٷرۋ ساپاسىن ارتتىرۋعا مٷمكٸندٸك بەرەدٸ. وسىلايشا, «TURGYNDAR AMANATY» جوباسى پارتييانىڭ سايلاۋالدى مٸندەتتەرٸن ٸسكە اسىرۋدىڭ ماڭىزدى پراكتيكالىق قۇرالى بولا وتىرىپ, مەملەكەت باسشىسى ايقىنداعان ستراتەگييالىق باعىتتاردى جٷزەگە اسىرۋعا ەلەۋلٸ ٷلەس قوسادى», – دەدٸ ايماق باسشىسى.
جيىندا «AMANAT» پارتيياسىنىڭ حاتشىسى ەرجان جىلقىباەۆ «TURGYNDAR AMANATY» جوباسىنىڭ نەگٸزگٸ باعىتتارى مەن ماڭىزىن تٷسٸندٸردٸ.
فورۋمدا سەمەي قالاسىنىڭ ەكٸمٸ ەدٸلەت قوجانباەۆ, كۋرچاتوۆ قالاسىنىڭ ەكٸمٸ بولات ەبدٸراليەۆ, وبلىس ورتالىعىنداعى مٷلٸك يەلەرٸ بٸرلەستٸكتەرٸ (ميب) مەن پەتەر يەلەرٸ كووپەراتيۆتەرٸنٸڭ (پيك) تٶراعالارى ٶز تەجٸريبەلەرٸمەن بٶلٸسٸپ, ۇسىنىستارىن جەتكٸزدٸ.
وبلىس بويىنشا تۇرعىن ٷي قورى 2084 كٶپپەتەرلٸ تۇرعىن ٷيدٸ قۇرايدى, ونىڭ ٸشٸندە 1588-ٸ سەمەي قالاسىندا ورنالاسقان. تۇرعىن ٷيلەردٸڭ جارتىسىنا جۋىعى 1970 جىلدارعا دەيٸن سالىنعان. نەگٸزگٸ بٶلٸگٸ سەمەي, اياگٶز جەنە كۋرچاتوۆ قالالارىندا شوعىرلانعان. كۋرچاتوۆ قالاسىندا 81 كٶپپەتەرلٸ تۇرعىن ٷيگە 3 باسقارۋ سۋبەكتٸسٸ قىزمەت كٶرسەتەدٸ. 2023-2025 جىلدارى سەمەي قالاسىندا 169 اۋلا اۋماعى اباتتاندىرىلدى.
فورۋم اياسىندا پارتييا قاتارىنا جاڭادان قابىلدانعان ازاماتتارعا پارتييالىق بيلەتتەر تاپسىرىلىپ, بٸرقاتار مٷلٸك يەلەرٸ بٸرلەستٸكتەرٸ مەن پەتەر يەلەرٸ كووپەراتيۆتەرٸنٸڭ ٶكٸلدەرٸ وبلىس ەكٸمٸنٸڭ العىس حاتىمەن ماراپاتتالدى.
