Búgin Semei qalasyndaǵy Álihan Bókeihan ýniversitetinde «AMANAT» partiiasynyń «TURGYNDAR AMANATY» jobasy aiasynda «Úidi basqarý: jaýapkershilik, senim, nátije» atty óńirlik forým ótti. Sharaǵa oblys ákimi Berik Ýáli, «AMANAT» partiiasynyń hatshysy Erjan Jylqybaev qatysty.
Forým barysynda kóppáterli turǵyn úilerdi basqarýdyń ózekti máseleleri, múlik ieleri birlestikteri men páter ieleri kooperativteriniń damýy, turǵyndarmen tiimdi kommýnikatsiia ornatý, sondai-aq basqarý tetikterin jetildirý baǵyttary talqylandy.
«Joba aiasynda kóppáterli turǵyn úilerdi basqarý protsesteriniń ashyqtyǵyn arttyrý, qarjylyq eseptilikti tsifrlandyrý, turǵyndardyń sheshim qabyldaý protsesine belsendi qatysýyn qamtamasyz etý, sondai-aq servistik qyzmetterdiń sapasyn jaqsartý boiynsha naqty sharalar qarastyrylǵan. Bul óz kezeginde turǵyn úi qoryn tiimdi basqarýǵa, infraqurylymnyń jai-kúiin jaqsartýǵa jáne azamattardyń ómir súrý sapasyn arttyrýǵa múmkindik beredi. Osylaisha, «TURGYNDAR AMANATY» jobasy partiianyń sailaýaldy mindetterin iske asyrýdyń mańyzdy praktikalyq quraly bola otyryp, Memleket basshysy aiqyndaǵan strategiialyq baǵyttardy júzege asyrýǵa eleýli úles qosady», – dedi aimaq basshysy.
Jiynda «AMANAT» partiiasynyń hatshysy Erjan Jylqybaev «TURGYNDAR AMANATY» jobasynyń negizgi baǵyttary men mańyzyn túsindirdi.
Forýmda Semei qalasynyń ákimi Ádilet Qojanbaev, Kýrchatov qalasynyń ákimi Bolat Ábdiraliev, oblys ortalyǵyndaǵy múlik ieleri birlestikteri (MIB) men páter ieleri kooperativteriniń (PIK) tóraǵalary óz tájiribelerimen bólisip, usynystaryn jetkizdi.
Oblys boiynsha turǵyn úi qory 2084 kóppáterli turǵyn úidi quraidy, onyń ishinde 1588-i Semei qalasynda ornalasqan. Turǵyn úilerdiń jartysyna jýyǵy 1970 jyldarǵa deiin salynǵan. Negizgi bóligi Semei, Aiagóz jáne Kýrchatov qalalarynda shoǵyrlanǵan. Kýrchatov qalasynda 81 kóppáterli turǵyn úige 3 basqarý sýbektisi qyzmet kórsetedi. 2023-2025 jyldary Semei qalasynda 169 aýla aýmaǵy abattandyryldy.
Forým aiasynda partiia qataryna jańadan qabyldanǵan azamattarǵa partiialyq biletter tapsyrylyp, birqatar múlik ieleri birlestikteri men páter ieleri kooperativteriniń ókilderi oblys ákiminiń Alǵys hatymen marapattaldy.
