مەملەكەت باسشىسى اباي وبلىسىنا جۇمىس ساپارى بارىسىندا جازۋشى مۇحتار ەۋەزوۆ پەن عالىم قايىم مۇحامەدحانوۆقا ارنالعان ەسكەرتكٸشتٸ اشتى, دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنت شاراعا قاتىسۋشىلار الدىندا سٶيلەگەن سٶزٸندە ەكٸ تۇلعانىڭ تٶل تاريحىمىزدا ەرەكشە ورىن الاتىنىن اتاپ ٶتتٸ.
– بۇل – ۇستاز بەن شەكٸرت, اعا مەن ٸنٸ اراسىنداعى رۋحاني بٸرلٸكتٸڭ سيمۆولى. شىن مەنٸندە, قوس الىپتى بٶلە-جارىپ قاراۋ مٷمكٸن ەمەس. ولار اباي مۇراسىن زەرتتەپ, دەرٸپتەۋگە ٶلشەۋسٸز ەڭبەك سٸڭٸردٸ. تٶل ەدەبيەتٸمٸزدٸ جاڭا بەلەسكە كٶتەردٸ. مۇحتار ەۋەزوۆ ابايدى, اباي ارقىلى قازاقتى بٷكٸل ەلەمگە تانىتتى. ۇلى ويشىلدىڭ كٶركەم بەينەسٸن سومداپ, ونىڭ اسىل مۇراسىن ادامزاتتىڭ ورتاق قازىناسىنا قوستى. جازۋشىنىڭ ەر تۋىندىسى جۇرتىمىزدىڭ جٷرەگٸنەن ٶشپەس ورىن الدى. مۇحتار ەۋەزوۆ – ەلەم ەدەبيەتٸنٸڭ شىڭىنا كٶتەرٸلگەن قالامگەر. ال قايىم مۇحامەدحانوۆ – ۇلى جازۋشىنىڭ جاقىن سەرٸگٸ ەرٸ شەكٸرتٸ. ول بٷكٸل عۇمىرىن ابايتانۋ, شەكەرٸمتانۋ جەنە الاشتانۋ عىلىمىنا ارنادى. قۋعىن-سٷرگٸنگە ۇشىراسا دا, تاعدىردىڭ سىناعىنا قارسى تۇرىپ, ەلٸنە ادال قىزمەت ەتتٸ, – دەدٸ مەملەكەت باسشىسى.
پرەزيدەنت ۇلت تاريحىنداعى بٸرتۋار تۇلعالارىمىزدى ۇلىقتاۋ پارىز ەكەنٸن جەنە بۇل ەسكەرتكٸش مۇحتار ەۋەزوۆتٸڭ 125 جىلدىق تويىنا تارتۋ بولعانىن ايتتى.
سونىمەن قاتار مەملەكەت باسشىسى شاراعا قاتىسۋعا كەلگەن بٸر توپ زييالى قاۋىم ٶكٸلدەرٸمەن كەزدەستٸ. ولاردىڭ قاتارىندا جازۋشى مەن عالىمنىڭ ۇرپاقتارى, ابايتانۋشىلار, وسى ٶڭٸردە تۋىپ-ٶسكەن بٸرقاتار اقىن-جازۋشىلار بولدى.
