سەمەي قالاسىندا تامىز ايىنىڭ سوڭىنا قاراي قوقىس ٶڭدەيتٸن زاۋىت سالىنادى, دەپ حابارلايدى "ۇلت اقپارات".
ٶتكەن جىلدىڭ قاراشا ايىندا قر پرەمەر-مينيسترٸ اسقار ماميننٸڭ 2025 جىلعا دەيٸن ەل اۋماعىندا 6 قوقىس ٶڭدەۋ زاۋىتىن سالۋ تۋرالى تاپسىرماسى اياسىندا قازاقستاندىق دەلەگاتسييا گرەتسيياعا ساپار جاسادى. وندا «SABO S.A» اتتى كومپانييانىڭ باسقارۋشى ديرەكتورى ديميتريس كيلياريسپەن كەلٸسسٶزدەر جٷرگٸزٸلگەن.
ساپار قورىتىندىسى بويىنشا تاراپتار سەمەي, ٶسكەمەن جەنە اقتٶبە قالالارىنداعى قوقىس ٶڭدەۋ زاۋىتتارى ٷشٸن قاتتى تۇرمىستىق قالدىقتاردى سۇرىپتاۋ جەنە قايتا ٶڭدەۋ بويىنشا اۆتوماتتاندىرىلعان جەلٸلەردٸ ساتىپ الۋ تۋرالى كەلٸسٸمگە قول قويدى.
بٷگٸن سەمەي قالاسىنا گرەك دەلەگاتسيياسى جۇمىس ساپارىمەن كەلٸپ, اتقارىلىپ جاتقان شارالاردىڭ قارقىنىمەن تانىستى.
«الداعى ۋاقىتتا بارلىق قالدىقتار سۇرىپتالاتىن بولادى. قازٸر بۇعان قاجەتتٸ عيمارات سالىنىپ جاتىر. جۇمىستى ٸسكە قوسۋدى 29 تامىزعا جوسپارلاپ وتىرمىز», - دەدٸ «وپەراتور» جشس باسقارما تٶراعاسى مەدەت قۇمارعاليەۆ.
قالا بويىنشا قابىلداۋ پۋنكتتەرٸن ورنالاستىرۋعا جاۋاپتى ۇيىم – «حازيپوۆ» جك. كەسٸپورىن تامىز ايىندا شىنى قابىلدايتىن 10 قابىلداۋ پۋنكتٸن ٸسكە قوسۋى تيٸس.
ٶز كەزەگٸندە «SABO S.A» گرەك كومپانيياسىنىڭ ديرەكتورى ديميتريس كيلياريس وسى سەرٸكتەستٸكتٸڭ ماڭىزدىلىعىن اتاپ ٶتتٸ.
«قوقىستى قايتا ٶڭدەۋگە نازار اۋدارۋ ٶتە ماڭىزدى. اتاپ ايتقاندا, بٸلٸم بەرۋ سالاسىندا ەكولوگييا تاقىرىبىنىڭ قالىس قالماعانى قۋانتادى. شىنىندا دا, بالالىق شاقتان باستاپ سانانى ٶزگەرتٸپ, ەكولوگييالىق مەدەنيەتتٸ ٷيرەتۋ كەرەك», – دەدٸ ديميتريس كيلياريس.
كەزدەسۋ سوڭىندا دەلەگاتسييا مٷشەلەرٸ پوليگون ورنىنا بارىپ, جٷرگٸزٸلٸپ جاتقان جۇمىستاردى باقىلاپ, الداعى جوسپارلاردى تالقىلادى.
