فوتو: اتىراۋ وبلىستىق پد باسپاسٶز قىزمەتٸ
سەمەيدە ەر ادام 4 جاسار بٷلدٸرشٸننٸڭ دەنەسٸن جول بويىنداعى ەجەتحانا شۇڭقىرىنا لاقتىرىپ كەتكەن. پوليتسييا تەرگەۋدٸ باستادى.
جانتٷرشٸگەرلٸك وقيعا تۋرالى "نەمولچيKZ" قوعامدىق قورى حابارلادى. قور جەتەكشٸسٸنٸڭ ايتۋىنشا, اناسى بٷلدٸرشٸندٸ كٷتۋشٸ ەيەلگە قالدىرعان.
"ال الىپ كەتۋگە كەلگەندە بالا كٷتۋشٸ "بٷلدٸرشٸن تانىسىمنىڭ ٷيٸندە" دەپ الداعان. شىن مەنٸندە بالا ول كەزدە قايتىس بولعان. وقيعانى جاسىرۋ ٷشٸن بالا كٷتۋشٸنٸڭ كٷيەۋٸ بٷلدٸرشٸننٸڭ دەنەسٸن سٶمكەگە سالىپ, جول بويىنداعى ەجەتحاناعا لاقتىرىپ كەتكەن", - دەپ جازدى دينا تاڭسەرٸ.
قايعىلى وقيعا قىركٷيەك ايىنىڭ باسىندا بولعان.
اباي وبلىسى پوليتسييا دەپارتامەنتٸ تٶرت جاسار بالانىڭ قايتىس بولۋ فاكتٸسٸ بويىنشا سوتقا دەيٸنگٸ تەرگەۋ جٷرٸپ جاتقانىن مەلٸمدەدٸ.
"كٷدٸكتٸ ۇستالدى, وعان قاتىستى قاماۋدا ۇستاۋ تٷرٸندەگٸ بۇلتارتپاۋ شاراسى تاڭدالدى.
قىلمىستىق ٸس بويىنشا بٸرقاتار سوت-مەديتسينالىق ساراپتاما تاعايىندالدى, بولعان وقيعانىڭ بارلىق مەن-جايىن انىقتاۋعا باعىتتالعان تەرگەۋ-جەدەل ٸس-شارالار كەشەنٸ جٷرگٸزٸلٸپ جاتىر.
قىلمىستىق ٸستٸ تەرگەۋ اباي وبلىسى پوليتسييا دەپارتامەنتٸ مەن پروكۋراتۋرا باسشىلىعىنىڭ ەرەكشە باقىلاۋىندا.
قىلمىستىق-پروتسەستٸك كودەكستٸڭ 201-بابىنىڭ 1-بٶلٸگٸنە سەيكەس سوتقا دەيٸنگٸ تەرگەپ-تەكسەرۋدٸڭ ٶزگە دەرەكتەرٸ جارييا ەتٸلۋگە جاتپايدى" - دەلٸنگەن حابارلامادا.
