فوتو: Polisia.kz
سەمەي قالاسىندا بۇزاقىلاردىڭ ەرەكەتٸنەن زارداپ شەككەن 11 جاستاعى بالاعا قر ٸشكٸ ٸستەر مينيسترلٸگٸنٸڭ «دينامو» دەنە شىنىقتىرۋ-سپورت قوعامى قولداۋ كٶرسەتتٸ, – دەپ جازدى Polisia.kz.
سەمەي قالاسىندا بولعان بۇزاقىلىق وقيعاسى قازاقستاندىقتاردى بەيجاي قالدىرمادى. قوعامنىڭ جاپپاي قولداۋىنىڭ ارقاسىندا مەكتەپ وقۋشىسى مەن ونىڭ وتباسى جالعىز ەمەس ەكەنٸن سەزٸندٸ. بۇل ٸسكە پوليتسييا ۆەدومستۆوسىنىڭ باسشىلىعى ەرەكشە مەن بەرٸپ, تەرگەۋدٸ جەكە باقىلاۋىنا الدى.
جاسٶسپٸرٸمنٸڭ بولاشاعىنا الاڭداۋشىلىق بٸلدٸرگەن قر ٸشكٸ ٸستەر مينيسترلٸگٸنٸڭ «دينامو» دەنە شىنىقتىرۋ-سپورت قوعامى ونى ٶز قامقورلىعىنا الىپ, سپورت ارقىلى جٸگەرلەندٸرمەك. دينامولىقتار بالاعا تەلٸمگەرلٸك كٶرسەتٸپ, سەنٸمدٸلٸگٸن نىعايتۋعا, ٶزٸن قورعاي بٸلۋگە ٷيرەتۋدٸ ماقسات تۇتىپ وتىر.
اباي وبلىسى پوليتسييا دەپارتامەنتٸنٸڭ باستىعى بەكتورە سۇلتان سەمەيدەگٸ «دينامو» سپورت كەشەنٸندە جاسٶسپٸرٸمدٸ قارسى الىپ, وعان جاس سپورتشىلارمەن بٸرگە زالدى ارالاتىپ, جاتتىعۋ پروتسەسٸمەن تانىستىردى.
– بٸز بالاقاي ٶزٸن ەشقاشان جالعىز سەزٸنبەۋٸ ٷشٸن بار كٷشٸمٸزدٸ سالامىز. سپورت – تەك دەنەنٸ شىنىقتىرۋ عانا ەمەس, ول مٸنەزدٸ قالىپتاستىرىپ, قيىندىقتاردى جەڭۋگە ٷيرەتەدٸ. ەڭ باستىسى – سپورتتىق ورتا ناعىز وتباسى سيياقتى, سەنٸمدٸ تٸرەك بولا الادى, – دەپ اتاپ ٶتتٸ دەپارتامەنت باسشىسى.
بالا ەسٸرەسە بوكسشىلاردىڭ جاتتىعۋىن قىزىعۋشىلىقپەن تاماشالادى. بۇل سپورت تٷرٸ وعان بۇرىننان ۇنايتىنىن ايتقان جاسٶسپٸرٸم ەندٸ «دينامو» مامانداندىرىلعان جاتتىقتىرۋشىلارىنىڭ جەتەكشٸلٸگٸمەن تەگٸن جاتتىعۋ مٷمكٸندٸگٸنە يە بولدى. سول كٷنٸ-اق ول العاشقى سوققىسىن بوكس گرۋشاعا باعىتتاپ, ٶز كٷشٸن سىناپ كٶردٸ. جاتتىعۋ سوڭىندا وعان «دينامو» سپورتتىق فورماسى تابىس ەتٸلدٸ.
– ەندٸ ول تۇراقتى تٷردە جاتتىعىپ, كٷش-قۋاتىن ارتتىرىپ, ٶز-ٶزٸنە دەگەن سەنٸمدٸلٸگٸن نىعايتاتىن بولادى. ەگەر جاقسى نەتيجە كٶرسەتسە, كەلەسٸ قادامى «جاس ساقشى» پوليتسەيلٸك سىنىپتارىنىڭ قاتارىنا قوسىلۋ بولماق. مۇندا ول قۇقىقتىق تەرتٸپ پەن تەرتٸپتٸلٸك تۋرالى قۇندى بٸلٸم الادى, – دەپ مەلٸمدەدٸ پوليتسييا دەپارتامەنتٸنٸڭ ٶكٸلدەرٸ.
بۇل باستاما – بالانىڭ ٶمٸرٸنە تىڭ سەرپٸن بەرٸپ قانا قويماي, ونىڭ بولاشاعىنا دەگەن سەنٸمٸن كٷشەيتەتٸن ماڭىزدى قادام.
