فوتو: ۆيدەودان كادر
بالا قۇقىقتارى جٶنٸندەگٸ ۋەكٸل دينارا زەكيەۆا بٷگٸن, 25 اقپاندا اباي وبلىسىنىڭ ەكٸمٸ بەرٸك ۋەليمەن كەمەلەتكە تولماعاندار اراسىنداعى قىلمىستىڭ الدىن الۋ مەسەلەلەرٸن جەنە سەمەيدە جاسٶسپٸرٸمدەر تاراپىنان جاسالعان قىلمىستى تالقىلاعانىن ايتتى, دەپ حابارلايدى Ult.kz.
ايتۋىنشا, سەمەيدە جاس بالاعا قاتىستى قىلمىس جاساعان ەكٸ جاسٶسپٸرٸمنٸڭ اتا-انالارى بۇعان دەيٸن بالانى تەربيەلەۋ جٶنٸندەگٸ مٸندەتتەرٸن ورىنداماعان اتا-انالار رەتٸندە كەمەلەتكە تولماعاندار ٸستەرٸ جٶنٸندەگٸ كوميسسييادا قارالعان.
"اتا-انالاردىڭ بٸرٸ ناركولوگييالىق ديسپانسەردٸڭ ەسەبٸندە تۇر. ال ەكٸنشٸ وتباسىندا بالا مەكتەپٸشٸلٸك ەسەپكە الىنعان. وسىنداي جاعدايعا تاپ بولعان وتباسىلارمەن كەشەندٸ جۇمىس جٷرگٸزۋ قاجەت, ەسٸرەسە بۇل جۇمىس قابىلدانعان زاڭعا سەيكەس ەلدٸڭ بارلىق اۋداندارىندا اشىلۋى تيٸس وتباسىن قولداۋ ورتالىقتارى ارقىلى جٷزەگە اسىرىلۋى كەرەك. قازٸر اباي وبلىسىندا مۇنداي ورتالىق تەك بٸر اۋداندا عانا بار, بولاشاقتا تاعى 10 اۋدان مەن ەكٸ قالادا, سونىڭ ٸشٸندە سەمەي قالاسىندا دا اشىلۋى قاجەت. سول سەبەپتٸ ەكٸممەن وسى وتباسىن قولداۋ ورتالىقتارىن اشۋ, سونداي-اق زاڭعا سەيكەس قورعانشىلىق ورگاندارى قىزمەتكەرلەرٸنٸڭ سانىن ارتتىرۋ جەنە قىركٷيەك ايىنان باستاپ مەكتەپتەردە ەنگٸزٸلگەن بٸرىڭعاي تەربيە بەرۋ باعدارلاماسىنىڭ ٸسكە اسىرىلۋ ساپاسى مەسەلەلەرٸن تالقىلادىق", - دەپ جازدى ول.
زەكيەۆانىڭ ايتۋىنا قاراعاندا, قازٸرگٸ تاڭدا تەرگەۋ امالدارى جٷرگٸزٸلٸپ جاتىر, كەمەلەتكە تولماعاندار ٸستەرٸ جٶنٸندەگٸ قالالىق كوميسسييانىڭ وتىرىسى ٶتتٸ. قاجەتتٸ كٶمەك كٶرسەتۋ ٷشٸن بارلىق تيٸستٸ شارالار قابىلدانىپ جاتىر.
ايتا كەتەيٸك, كەشە سەمەيدە قاتارلاستارىن اياۋسىز سوققىعا شىققان جاسٶسپٸرٸمدەرگە قاتىستى كوميسسييا شەشٸم شىعاردى.
شەشٸم نەتيجەسٸ بويىنشا:
- - وقيعا قاتىسۋشىلاردىڭ بارلىعىن وقشاۋلاۋ, پسيحولوگتارمەن جۇمىس ٸستەۋ ٷشٸن دەۆيانتتى مٸنەز-قۇلىقتارى بار بالالارعا ارنالعان ارنايى مەكتەپكە جٸبەرۋ
- - كوميسسييا ٷش اتا-اناعا قاتىستى اتا-انا قۇقىعىنان ايىرۋ تۋرالى ۇسىنىس جاسادى,
- - بٸر قامقورشىعا قاتىستى ەكٸ بالانى قامقورلىقتان ايىرۋدى ۇسىندى.
بارلىق ماتەريالدار سوتقا جٸبەرٸلدٸ, سوتتا سوڭعى شەشٸم قابىلدانادى.
بۇعان دەيٸن سەمەيدە 6-سىنىپ وقۋشىسىن جوعارى سىنىپ وقۋشىلارى سوققىعا جىققانى تۋرالى جازعان بولاتىنبىز.
