Foto: videodan kadr
Bala quqyqtary jónindegi ýákil Dinara Zákieva búgin, 25 aqpanda Abai oblysynyń ákimi Berik Ýálimen kámeletke tolmaǵandar arasyndaǵy qylmystyń aldyn alý máselelerin jáne Semeide jasóspirimder tarapynan jasalǵan qylmysty talqylaǵanyn aitty, dep habarlaidy Ult.kz.
Aitýynsha, Semeide jas balaǵa qatysty qylmys jasaǵan eki jasóspirimniń ata-analary buǵan deiin balany tárbieleý jónindegi mindetterin oryndamaǵan ata-analar retinde kámeletke tolmaǵandar isteri jónindegi komissiiada qaralǵan.
"Ata-analardyń biri narkologiialyq dispanserdiń esebinde tur. Al ekinshi otbasynda bala mektepishilik esepke alynǵan. Osyndai jaǵdaiǵa tap bolǵan otbasylarmen keshendi jumys júrgizý qajet, ásirese bul jumys qabyldanǵan zańǵa sáikes eldiń barlyq aýdandarynda ashylýy tiis Otbasyn qoldaý ortalyqtary arqyly júzege asyrylýy kerek. Qazir Abai oblysynda mundai ortalyq tek bir aýdanda ǵana bar, bolashaqta taǵy 10 aýdan men eki qalada, sonyń ishinde Semei qalasynda da ashylýy qajet. Sol sebepti ákimmen osy Otbasyn qoldaý ortalyqtaryn ashý, sondai-aq zańǵa sáikes qorǵanshylyq organdary qyzmetkerleriniń sanyn arttyrý jáne qyrkúiek aiynan bastap mektepterde engizilgen biryńǵai tárbie berý baǵdarlamasynyń iske asyrylý sapasy máselelerin talqyladyq", - dep jazdy ol.
Zákievanyń aitýyna qaraǵanda, qazirgi tańda tergeý amaldary júrgizilip jatyr, kámeletke tolmaǵandar isteri jónindegi qalalyq komissiianyń otyrysy ótti. Qajetti kómek kórsetý úshin barlyq tiisti sharalar qabyldanyp jatyr.
Aita keteiik, keshe Semeide qatarlastaryn aiaýsyz soqqyǵa shyqqan jasóspirimderge qatysty komissiia sheshim shyǵardy.
Sheshim nátijesi boiynsha:
- - oqiǵa qatysýshylardyń barlyǵyn oqshaýlaý, psihologtarmen jumys isteý úshin deviantty minez-qulyqtary bar balalarǵa arnalǵan arnaiy mektepke jiberý
- - komissiia úsh ata-anaǵa qatysty ata-ana quqyǵynan aiyrý týraly usynys jasady,
- - bir qamqorshyǵa qatysty eki balany qamqorlyqtan aiyrýdy usyndy.
Barlyq materialdar sotqa jiberildi, sotta sońǵy sheshim qabyldanady.
Buǵan deiin Semeide 6-synyp oqýshysyn joǵary synyp oqýshylary soqqyǵa jyqqany týraly jazǵan bolatynbyz.
