ەرتٸس ٶزەنٸ سۋىنىڭ دەڭگەيٸ تٶمەندەدٸ. بۇل تۋرالى بٷگٸن قر ٸٸم تٶتەنشە جاعدايلار كوميتەتٸ تٶراعاسىنىڭ ورىنباسارى بارات دۇزاقباەۆ ايتتى, دەپ حابارلايدى قازاقپارات.
«ەرتٸستە سەڭ جٷرۋٸنە بايلانىستى ٶزەننٸڭ سۋ دەڭگەيٸ كٶتەرٸلدٸ. سونىڭ سالدارىنان شىعىس, بەيبٸتشٸلٸك ەلدٸ مەكەندەرٸ مەن پولكوۆنيك ارالىنداعى تۇرعىن ٷي الاپتارىن سۋ باسۋ قاۋپٸ تۋىنداعان ەدٸ. بٶلٸمشەلەر حالىق اراسىندا تٷسٸندٸرۋ جۇمىستارىن جٷرگٸزدٸ. بارلىعىنا ەسكەرتٸلدٸ, قاۋٸپسٸز جەرگە كٶشۋگە دايىن», - دەدٸ بارات دۇزاقباەۆ.
ونىڭ ايتۋىنشا, پولكوۆنيك ارالىنداعى 1 تۇرعىن ٷيدٸڭ اۋلاسىنا عانا سۋ كٸرگەن. اتالعان ٷيدٸڭ 8 تۇرعىنى, ونىڭ ٸشٸندە 3 بالا ەۆاكۋاتسييالاۋ بەكەتٸنە ورنالاستىرىلدى. 7 ٸرٸ قارا مال قاۋٸپسٸز جەرگە شىعارىلدى.
سونىمەن قاتار, ول سەمەي قالاسىندا 7 ەۆاكۋاتسييا بەكەتٸ ەزٸرلەنگەنٸن ايتتى.
«ولار: «سەمەي» قوناق ٷيٸ مەن 6 مەكتەپ. ادامداردى قاۋٸپسٸز جەرگە كٶشٸرەتٸندەي جاعداي تۋىنداسا سوندا ورنالاستىرامىز. قازٸرگٸ ۋاقىتتا ەرتٸستٸڭ سۋ دەڭگەيٸ تٶمەندەپ كەلەدٸ. وسى ۋاقىتتاعى سۋ دەڭگەيٸ 445 سم-دٸ قۇرايدى. ال قاتەرلٸ بەلگٸ 450 سم. احۋال باقىلاۋدا تۇر», - دەدٸ ول.
ەسكە سالا كەتەيٸك, دٷيسەنبٸ كٷنٸ قالا ەكٸمٸ ەرماك سەلٸموۆ بريفينگ ٶتكٸزٸپ, ەرتٸستەگٸ سۋ دەڭگەيٸ 478 سانتيمەترگە كٶتەرٸلگەنٸن حابارلاعان بولاتىن. ساراپشىلار تٷسٸندٸرگەندەي, سۋ دەڭگەيٸنٸڭ كٶتەرٸلۋٸنە تٶمەنگٸ مۇزدىڭ جينالۋى سەبەپ بولعان. قالا باسشىسى جاعدايدى باقىلاۋدا ۇستايتىنىن اتاپ ٶتتٸ. سونداي-اق, تٶتەنشە جاعدايعا بايلانىستى ج ەدەل شتاب قۇرىلدى.
