© Sputnik / پاۆەل لۆوۆ
سەل باسقان ايماقتاردا 69 ەلدٸ مەكەنگە ەلٸ دە كٶلٸك قاتىناي المايدى. بۇل تۋرالى رەسپۋبليكالىق اقپاراتتىق شتابتا ٶتكەن بريفينگتە قر تجم ازاماتتىق قورعانىس جەنە ەسكەري بٶلٸمدەر كوميتەتٸنٸڭ اعا وفيتسەرٸ ەراسىل سايپاش ايتتى, دەپ حابارلايدى «ۇلت اقپارات» Sputnik قازاقستانعا سٸلتەمە جاساپ.
سۋ تاسقىنى باستالعالى بەرٸ 96 مىڭنان استام ادام قۇتقارىلدى, ونىڭ 31 مىڭنان استامى بالا.
سايپاشتىڭ ايتۋىنشا, 2 823 ادام ۇشاقپەن قۇتقارىلعان, ونىڭ 865-ٸ بالا.
"ۋاقىتشا پۋنكتتەرگە 7 605 ادام, ونىڭ ٸشٸندە 3 474 بالا ورنالاستىرىلدى. 82 559 مال قاۋٸپسٸزدٸك جەرگە شىعارىلدى. زارداپ شەككەن ٶڭٸرلەرگە 167 935 كگ گۋمانيتارلىق كٶمەك جەتكٸزٸلدٸ. 8,5 ملن استام تەكشە مەتر ەرٸگەن قار سۋى سورىلدى. 2 750 تۇرعىن ٷي مەن 1 816 اۋلا اۋماعىنان سۋ بۇرىلدى", - دەيدٸ ەراسىل سايپاش.
تەۋلٸك بويى اۆارييالىق-قۇتقارۋ جۇمىستارىنا 24 295 ادام, 2 655 بٸرلٸك تەحنيكا, 469 سۋ سورۋ تەحنيكاسى جەنە 139 جٷزۋ قۇرالى, 10 ەۋە كەمەسٸ جۇمىلدىرىلدى.
"10 سەۋٸر تاڭەرتەڭگٸ ساعات 10:00-دەگٸ جاعداي بويىنشا اتىراۋ, اقتٶبە, اقمولا, قوستاناي, سولتٷستٸك قازاقستان وبلىستارىندا 3 444 جەكە تۇرعىن ٷي, 339 اۋلا اۋماعى سۋ استىندا قالعان. سۋ شايعان 105 اۆتوجول, ونىڭ ٸشٸندە 8 كٶپٸر مەن 97 جول تٶسەمٸ باقىلاۋدا تۇر. 69 ەلدٸ مەكەن كٶلٸك قاتىناسىنسىز قالعان", – دەدٸ سپيكەر.
رەسپۋبليكالىق جەنە جەدەل شتابتار جۇمىس ٸستەپ جاتىر. تجم ازاماتتاردى سۋ تاسقىنى كەزٸندە مۇقييات بولۋعا جەنە قاۋٸپسٸزدٸك شارالارىن قاتاڭ ساقتاۋعا شاقىرادى.
