«سبەربانك» اق ەنشٸلەس بانكٸ جەكە تۇلعالاردىڭ كرەديتتٸك قورجىنى بويىنشا تالاپ ەتۋ قۇقىعىن جارتىلاي باسقاعا بەرۋ مەمٸلەسٸ جاسالعانىن مەلٸم ەتتٸ, دەپ حابارلايدى قازاقپارات.
«باسقاشا ايتار بولساق, بورىشكەرلەردٸڭ كەيبٸر نەسيەلەرٸ Halyk Bank-كە بەرٸلدٸ. تيٸستٸ ەسكەرتۋ كليەنتتەرگە جەكە-جەكە جٸبەرٸلدٸ. ساتىلعان زايىمداردىڭ سانى بانكتٸڭ بٶلشەك كرەديتتٸك قورجىنىڭ شامامەن تٶرتتەن بٸرٸن قۇرايدى. سبەربانك قالعان كرەديتتەرگە قىزمەت كٶرسەتۋٸن جالعاستىرا بەرەدٸ», - دەلٸنگەن اتالعان قارجى ۇيىمىنىڭ رەسمي سايتىندا جارييالانعان اقپاراتتا.
بانكتٸڭ اتاپ ٶتۋٸنشە, بۇل پروتسەسس زاەمشٸلەر ٷشٸن كرەديت شارتتارىنا قاتىستى قانداي دا بٸر ٶزگەرٸستەردٸ تالاپ ەتپەيدٸ. قازاقستان زاڭناماسىنا سەيكەس, پايىزدىق مٶلشەرلەمە, مەرزٸمٸ, تٶلەم مٶلشەرٸ, سونىمەن قاتار زايمدى ٶتەۋگە قاتىستى دەربەس كەستە ٶزگەرٸسسٸز قالا بەرەدٸ. ال زاەمدەرٸ Halyk Bank-كە بەرٸلگەن ازاماتتار نەسيەلەرٸن ەندٸگٸ ۋاقىتتا اتالعان بانككە بەكٸتٸلگەن كەستەگە سەيكەس ٶتەيتٸن بولادى.
