الماتىدا سٷڭگۋٸرلەر سايران كٶلٸنە باتىپ كەتكەن ەر ادامدى ٸزدەستٸرۋدە, دەپ حابارلايدى "ۇلت اقپارات".
كۋەگەرلەردٸڭ ايتۋىنشا, 31 مامىر كٷنٸ شامامەن كەشكٸ ساعات 17:30-دا سايران كٶلٸنە 25-30 جاس ارالىعىنداعى ەر ادام سۋعا تٷسٸپ, قايتىپ شىقپاعان.
الدىن الدىن الا بولجام بويىنشا, جاس جٸگٸت تانىستارىمەن بٸرگە ٸشٸمدٸك ٸشكەن.
«الماتى قالاسىنىڭ قۇتقارۋ قىزمەتٸنٸڭ قۇتقارۋشىلارى جەدەل ٸزدەستٸرۋ-سٷڭگۋٸر جۇمىستارىن باستادى. ٸزدەستٸرۋ-سٷڭگۋٸر جۇمىستارى قاراڭعى تٷسكەنگە دەيٸن جٷرگٸزٸلدٸ. بٷگٸن تاڭعى ساعات 08:30-دان باستاپ ٸزدەستٸرۋ-سٷڭگۋٸر جۇمىستارى قايتا باستالدى. ٸزدەستٸرۋگە قر تجم رجقج-نىڭ سٷڭگۋٸرلەرٸ دە تارتىلدى. سۋ تۇنىق بولماعاندىقتان سۋ استىنان ەشتەمە كٶرٸنبەيدٸ. سوندىقتان ٸزدەستٸرۋ جۇمىستارى جاناسۋ ارقىلى جٷرگٸزٸلۋدە»,- دەپ حابارلادى الماتى قالالىق تٶتەنشە جاڭدايلار دەپارتامەنتٸنەن.
ٸزدەستٸرۋ جۇمىستارىنا الماتى قالاسى قۇتقارۋ قىزمەتٸنٸڭ 4 سٷڭگٸرۋٸ مەن «قر تجم» مم-نەن 3 سٷڭگۋٸر مەن 2 قايىق جۇمىلدىرىلدى.
الماتى قالاسىنىڭ تٶتەنشە جاعدايلار دەپارتامەنتٸ سۋداعى قاۋٸپسٸزدٸك مەدەنيەتٸن ساقتاۋعا شاقىرادى.
سۋدا مىنا نۇسقاۋلىققا نازار اۋدارۋ قاجەت:
- سۋعا ارنايى رۇقسات ەتٸلگەن جەردە عانا شومىلىڭىزدار;
- بالالاردى قاراۋسىز قالدىرماڭىزدار;
- ەگەر سٸز ارنايى رۇقسات ەتٸلگەن جەردە شومىلعاندا سۋدا جٷزۋ بٸلمەسەڭٸز, بەلدەن جوعارى كەلەتٸن سۋعا تٷسپەڭٸز;
- جٷزۋ كەزٸندە بٸر-بٸرلەرٸڭٸزدٸ قاداعالاپ وتىرىڭىزدار;
- قورشاۋ بەلگٸلەرٸنەن اسىپ, جاعادان الىسقا جٷزٸپ بارماڭىزدار;
- قايىقتار مەن كاتەرلەرگە قاراي جاقىن جٷزۋگە بولمايدى;
- قايىقتار مەن كٶپٸرلەردەن سۋعا قاراي سەكٸرمەڭٸزدەر;
- سۋدا ۇزاق ۋاقىت شومىلماڭىزدار, توڭىپ جەنە شارشاپ قالۋىڭىز مٷمكٸن;
- تٷنگٸ ۋاقىتتا الكوگولدٸ ٸشٸمدٸك ٸشٸپ سۋعا شومىلماڭىزدار.
