تٷركٸستان وبلىسىنىڭ سايرام اۋدانى قورعانىس ٸستەرٸ بٶلٸمٸندە «ايبىندى جاستار – قازاقستاننىڭ تٸرەگٸ» پاتريوتتىق اكتسيياسى اياسىندا قارۋلى كٷشتەر قاتارىنا شاقىرىلۋشىلاردى سالتاناتتى تٷردە شىعارىپ سالۋ رەسٸمٸ ٶتتٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
ەسكەري وركەستردٸڭ قولداۋىمەن تاعى 8 ەسكەرگە شاقىرىلۋشى قىزمەت ورىندارىنا اتتاندى.
ٸس-شاراعا قورعانىس ٸستەرٸ جٶنٸندەگٸ بٶلٸمنٸڭ جەكە قۇرامى, سايرام اۋدانى ەكٸمدٸگٸنٸڭ ٶكٸلدەرٸ, ارداگەرلەر, «جاس سارباز» ەسكەري-پاتريوتتىق سىنىپتارىنىڭ تەربيەلەنۋشٸلەرٸ مەن ەسكەرگە شاقىرىلۋشىلاردىڭ اتا-انالارى قاتىستى.
سايرام اۋدانىنىڭ قورعانىس ٸستەرٸ جٶنٸندەگٸ بٶلٸمٸنٸڭ باستىعى پودپولكوۆنيك عالىمجان بالعىنباەۆ اۋدانداعى ەر-ازاماتتار اراسىندا ەسكەرگە بارۋعا دەگەن ۇمتىلىس بار ەكەنٸن, كٷزگٸ ەسكەرگە شاقىرۋ ناۋقانى اياسىندا بٷگٸنگٸ تاڭدا سايرام اۋدانىنان 90-عا جۋىق ازامات شاقىرىلعانىن اتاپ ٶتتٸ. ال كٶكتەمگٸ ەسكەرگە شاقىرۋ قورىتىندىسى بويىنشا سايرام اۋدانى جوسپاردى 13 پايىزعا اسىرا ورىنداپ, 200-گە جۋىق ازامات مەرزٸمدٸ ەسكەري قىزمەتكە جٸبەرٸلگەن.
تٷركٸستان وبلىسىنىڭ قورعانىس ٸستەرٸ جٶنٸندەگٸ دەپارتامەنتٸ باستىعىنىڭ ورىنباسارى پودپولكوۆنيك جاندوس كٷلدەرباەۆ, سايرام اۋدانى ەكٸمٸ اپپاراتىنىڭ زاڭ بٶلٸمٸنٸڭ باستىعى قايراتبەك جاناليەۆ جەنە ارداگەرلەر كەڭەسٸنٸڭ تٶراعاسى ەلٸبەك باينازاروۆ ەسكەرگە اتتانىپ جاتقان جٸگٸتتەرگە ابىرويمەن قىزمەت ەتۋلەرٸن تٸلەدٸ.
ٸس-شارا سوڭىندا سايرام اۋدانىنىڭ مەدەنيەت ٷيٸنٸڭ ٶنەرپازدار ۇجىمى ەسكەرگە شاقىرىلۋشىلارعا ارنالعان كونتسەرتتٸك باعدارلاماسىن تارتۋ ەتتٸ, سونىمەن بٸرگە بولاشاق ساربازدارعا ارنالعان ەستەلٸك سىيلىقتار تابىستالدى.
