بيىل وڭتٷستٸك قازاقستاندا قىسقا مەرزٸمدٸ كەسٸپتٸك وقىتۋعا جولدانعان 11920 ادامنىڭ 3991 وقۋدى اياقتاپ, 1000 مامان جۇمىسقا ورنالاسقان, دەپ حابارلايدى وقو ەكٸمٸنٸڭ باسپاسٶز قىزمەتٸ.
سونداي-اق, ٶڭٸر باسشىسى ج.تٷيمەباەۆتىڭ تاپسىرماسىنا سەيكەس اۋدان, قالا ەكٸمدٸكتەرٸندە ەربٸر اۋىل وكرۋگٸنە قاجەتتٸ 30 تٷرلٸ ماماندىق بويىنشا 8676 ازامات وقۋعا جولدانعان بولاتىن. بٷگٸندە ولاردىڭ 8676 ادامنىڭ 723-ٸ تۇراقتى جۇمىسقا ورنالاسقان. بٷگٸن سايرام اۋدانىندا ٶتكەن «التىن كٷز» مەرەكەسٸندە وبلىس ەكٸمٸ جانسەيٸت تٷيمەباەۆ وسى باعدارلاما اياسىندا بٸلٸم العان 20 مامانعا سالتاناتتى تٷردە كۋەلٸك تابىس ەتتٸ.
ٶڭٸر باسشىسى الدىمەن سايرام اۋدانىنداعى كەسٸپتٸك-تەحنيكالىق كوللەدج تٷلەكتەرٸ دايىنداعان ارنايى كٶرمەنٸ ارالاپ شىقتى. جۇرت نازارىن ٶزٸنە اۋدارعان جوبالاردىڭ بٸرٸ - كٸرپٸش قۇياتىن قۇرىلعى بولدى. كەدٸمگٸ تەمٸرمەن جاسالعان قوندىرعىنى كوللەدج تٷلەكتەرٸ ٶزدەرٸ ويلاپ تاپقان. جۋىردا ولار وسى جوباسىمەن وبلىستىق بايقاۋعا قاتىسىپ, جٷلدەگەرلەر قاتارىنان كٶرٸنٸپتٸ.
ال, دٸنمۇحاممەد قوناەۆ اتىنداعى كوللەدجدٸڭ ستۋدەنتتەرٸ پلاستيكالىق زاتتاردىڭ قالدىعىنا قۇم مەن تٷس بەرەتٸن قوسپا قوسىپ, ٷي اۋلاسىنا قولدانىلاتىن تٶسەنٸش ويلاپ تاۋىپتى. وبلىس ەكٸمٸ ستۋدەنتتەردٸڭ بۇل جوباسىنا تاڭدانىس بٸلدٸرٸپ, جاستاردى زاماناۋي ٷزدٸك جوبالاردى ەزٸرلەۋگە ىنتالاندىرۋ قاجەتتٸگٸنە توقتالدى.
«قازٸرگٸ تاڭدا وبلىسىمىزداعى اۋدان, قالالارداعى ەلدٸ مەكەندەردە كەسٸپتٸك ماماندار تاپشىلىعى بايقالىپ وتىر. قاراپايىم مىسال, بٸر اۋىلعا ەلەكتريك, سلەسار, دەنەكەرلەۋشٸ, اعاش ۇستاسى سەكٸلدٸ قاجەتتٸ ماماندىقتار جەتٸسپەيدٸ. تٸپتٸ جوق دەپ ايتساق تا بولادى. وسىنى ەسكەرە وتىرىپ, بٸز بيىلدىڭ ٶزٸندە 30 تٷرلٸ قاجەتتٸ ماماندىقتار بويىنشا 9 مىڭعا جۋىق ازاماتتى قىسقا مەرزٸمدٸك وقۋعا جولداعان بولاتىنبىز. جۋىردا سول ماماندار بارلىق اۋىل وكرۋگتەرٸنە جٸبەرٸلٸپ, جۇمىسپەن قامتىلاتىن بولادى», - دەدٸ جانسەيٸت قانسەيٸتۇلى.
ايتا كەتەيٸك, بيىل وبلىسىمىزدا «نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ 2017-2021 جىلدارعا ارنالعان باعدارلاماسىن» ٸسكە اسىرۋعا رەسپۋبليكالىق بيۋدجەتتەن 11429,8 ملن. تەڭگە بٶلٸنگەن بولاتىن. نەتيجەسٸندە 64 مىڭ 314 ادامدى قامتۋ كٶزدەلگەن. 2017 جىلدىڭ 1 قازانىنا بٶلٸنگەن قارجىنىڭ 6,4 ملرد. تەڭگەسٸ نەمەسە 56,1 پايىزى يگەرٸلٸپ, 68534 باعدارلاما قاتىسۋشىسى ەلەۋمەتتٸك قولداۋ شارالارىمەن قامتىلدى.
