سايرام اۋدانىندا 700 توننادان استام سٷت ٶنٸمٸ شىعارىلدى, دەپ حابارلايدى "ۇلت اقپارات".
تاماق ٶنەركەسٸبٸ اۋداننىڭ تۇراقتى ەكونوميكالىق دامۋىندا اسا ماڭىزدى ورىن الادى. ازىق-تٷلٸك ٶنٸمدەرٸنٸڭ ٶندٸرٸسٸ ٶڭدەۋ ٶنەركەسٸبٸنٸڭ ەڭ قارقىندى دامىپ وتىرعان سەكتورى بولىپ تابىلادى.
وسىنى ەسكەرگەن سايرام اۋدانىنىڭ ەكٸمدٸگٸ تاماق ٶنەركەسٸبٸن دامىتۋ ماقساتىندا جٷيەلٸ جۇمىستار اتقاردى. نەتيجەسٸندە 2017 جىلدىڭ قاڭتار-شٸلدە ايلارىندا 9 559,4 ملن تەڭگەگە تاماق ٶنٸمدەرٸ ٶندٸرٸلگەن. ٶتكەن جىلدىڭ وسى كەزەڭٸمەن سالىستىرعاندا ٶسٸم 18,2 پايىزدى قۇراعان. سالادا تابيعي تٷردە 725 توننا سٷت ٶنٸمدەرٸ, 51 596 توننا ۇن, 60 توننا شۇجىق ٶنٸمدەرٸ مەن 720,4 مىڭ ليتر ٶزگە دە الكوگولسٸز سۋسىندار ٶندٸرٸلگەن.
تاماق ٶنەركەسٸبٸ سالاسىنداعى وسىنداي كەسٸپورىننىڭ بٸرٸ - سٷت ٶنٸمدەرٸنٸڭ بٸرنەشە تٷرٸن ٶندٸرەتٸن 2007 جىلى ٸسكە قوسىلعان «كومپانييا ناتۋر پرودۋكت» جشس. كەسٸپورىن بٷگٸنگٸ تاڭدا قارقىندى دامۋ ٷستٸندە. ٶندٸرٸستە «حان» ساۋدا ماركاسىمەن سٷت ٶنٸمدەرٸ: ايران, ٸرٸمشٸك, يوگۋرت, قۇرت, سارى ماي شىعارىلادى.
سەرٸكتەستٸك اقبۇلاق اۋىلىندا ورنالاسقان. تەۋلٸگٸنە 20 توننا سٷت ٶڭدەۋگە قاۋقارلى ٶندٸرٸس ورنىندا 32 جەرگٸلٸكتٸ تۇرعىن تۇراقتى جۇمىسپەن قامتىلعان. 2016 جىلدىڭ قورىتىندىسىندا ٶندٸرٸستە 108,2 ملن تەڭگەنٸڭ ٶنٸمٸ ٶندٸرٸلٸپ, بيۋدجەتكە 19,2 ملن تەڭگە سالىق تٶلەگەن. ال جەتٸ اي ٸشٸندە 71 ملن تەڭگەنٸڭ ٶنٸمٸ ٶندٸرٸلگەن.
كەسٸپورىنعا «اگروبيزنەس 2020» مەملەكەتتٸك باعدارلاماسى اياسىندا جىل سايىن سارى ماي مەن ٸرٸمشٸككە سۋبسيدييا بٶلٸنەدٸ. بٷگٸنگٸ تاڭدا كەسٸپورىندى كەڭەيتۋ ماقساتىندا ٶندٸرٸس قۋاتتىلىعىن ارتتىرۋ ٷشٸن تەۋلٸگٸنە 70 توننا سٷت ٶڭدەيتٸن قۇرال-جابدىقتار الىنىپ, مونتاجداۋ جۇمىستارى باستالعان. قوسىمشا بەس جۇمىس ورنىنىڭ اشىلۋى جوسپارلانىپ وتىر.
كەسٸپورىن باسشىسى الداعى ۋاقىتتا ٶندٸرٸستٸ كەڭەيتۋ ماقساتىندا اقسۋ اۋىلىندا تەۋلٸگٸنە 150 توننا سٷت ٶڭدەيتٸن جاڭا زاۋىت قۇرىلىسىن جٷرگٸزۋدٸ جوسپارلاپ وتىر.
