سايرام اۋدانىندا سينتەتيكالىق ەسٸرتكٸنٸ ساقتادى دەگەن كٷدٸكپەن جاس قىز ۇستالدى, دەپ حابارلايدى "ۇلت اقپارات" تٷركٸستان وبلىسى پد باسپاسٶز قىزمەتٸنە سٸلتەمە جاساپ.
پوليتسييا دەپارتامەنتٸ ەسٸرتكٸ قىلمىسىنا قارسى ٸس-قيمىل باسقارماسىنا بەلگٸسٸز تۇلعادان ەسٸرتكٸگە بايلانىستى حابارلاما كەلٸپ تٷسەدٸ. جەدەل-ٸزدەستٸرۋ ٸس-شارالارىن جٷرگٸزۋ بارىسىندا سايرام اۋدانى اۋىلدارىنىڭ بٸرٸندە جول بويىندا كٷدٸكتٸ جاس قىز ۇستالدى. ول شىمكەنت قالاسىنىڭ تۇرعىنى بولىپ شىقتى.
تەكسەرۋ كەزٸندە بويجەتكەننٸڭ قول سٶمكەسٸنەن پاكەتكە ورالعان ٸشٸندە ەسٸرتكٸگە ۇقساس زاتى بار 6 دانا وراما تابىلدى. بولعان جايت قر قك-نٸڭ 296-بابى 4-بٶلٸگٸ «ەسٸرتكٸ, پسيحوتروپتىق زاتتارمەن, سول تەكتەستەرمەن ٶتكٸزۋ ماقساتىنسىز زاڭسىز جۇمىس ٸستەۋ» بويىنشا سدتبت-عا تٸركەلدٸ.
پوليتسەيلەر تەركٸلەنگەن ايعاقتى زاتتى ساراپتاماعا جولدادى. ونىڭ قورىتىندىسى بويىنشا زاتتىڭ جالپى سالماعى 3 گرامنان اساتىن «سينتەتيكالىق ەسٸرتكٸ» ەكەنٸ انىقتالدى.
قازٸرگٸ ۋاقىتتا كٷدٸكتٸ قاماۋعا الىنىپ, وعان قاتىستى سوتقا دەيٸنگٸ تەرگەۋ امالدارى جٷرگٸزٸلۋدە.
تەرگەۋ بارىسى وقيعانىڭ تولىق مەن-جايىن انىقتايتىن بولادى.
