1 تامىز كٷنٸ بوستاندىققا شىققان قانداسىمىز سايراگٷل ساۋىتباي فەيسبۋكتە تٸكەلەي ەفيردە سۇقبات بەرٸپ, بٸراز سۇراققا جاۋاپ بەردٸ, دەپ حابارلايدى Sputnik قازاقستان تٸلشٸسٸ.
قانداسىمىزبەن سۇقباتتى بەلگٸلٸ جۋرناليست سەۋلە ەبٸلداحانقىزى ۇيىمداستىردى. ەڭگٸمە بارىسىندا سايراگٷل ساۋىتباي وڭ قولىنداعى "اللا" دەگەن جازۋى تۋرالى ايتتى.
"انام بۇل جازۋ تۋعان كەزدەن بار دەپ ايتىپ وتىراتىن. بالا سٷيە الماعان وتباسىلار اسىراپ الماقشى بولعان. بٸراق اتا-انام ٶزدەرٸ ىرىمداپ, بەرمەگەن جايى بار. بەس جاسقا دەيٸن تۋىستارىمنىڭ قولىندا تەربيەلەندٸم, ودان كەيٸن ٶزدەرٸ قايتىپ الىپ كەتتٸ", — دەيدٸ سايراگٷل ساۋىتباي.
ارابشا جازىلعان "اللا" جازۋى سايراگٷلدٸڭ وڭ قولىندا, باس بارماعىنىڭ جوعارعى تۇسىندا ورنالاسقان. بٸر قىزىعى, كٷيزەلٸسكە تٷسٸپ, قاتتى قينالعان سەتتە جازۋ كەدٸمگٸدەي انىق كٶرٸنٸپ تۇرادى ەكەن.
"مەن قاتتى قينالىپ, جىلاعان سەتتەرٸمدە وسى جازۋ بادىرايىپ, انىق كٶرٸنەدٸ. سول كەزدە ٶز-ٶزٸمدٸ سابىرعا شاقىرىپ, ەڭسەمدٸ تٸكتەپ الامىن. ەلگٸ جازۋدى ٷش رەت سٷيٸپ قويامىن. "اللا تاعالا تٶبەمدە تۇر عوي, جىلامايىنشى, بەرٸ جاقسى بولىپ كەتەدٸ" دەپ ٶز-ٶزٸمدٸ جۇباتامىن", — دەيدٸ قانداسىمىز.
سەۋلە ەبٸلداحانقىزى دا سايراگٷلدٸڭ قولىنداعى جازۋدى كٶرگەندە, تاڭدانىسىن جاسىرمادى.
"و باستان اللا تاعالا سەنٸ بٸر ميسسيياعا دايىنداپ, تاعايىنداپ جٸبەرگەن سيياقتى… دەمەك بٸز سايراگٷلدٸ قورعاۋىمىز كەرەك شىعار", — دەدٸ جۋرناليست.
سايراگٷل ساۋىتبايدىڭ ٸسٸ
ەسكە سالا كەتسەك, ەكٸ جىل كٶرمەگەن وتباسىمەن قاۋىشۋ ٷشٸن شەكارانى زاڭسىز كەسٸپ ٶتكەن قانداسىمىز سايراگٷل ساۋىتبايدىڭ تاعدىرىنا بارشا قازاق جۇرتى الاڭداعان ەدٸ. قىتاي ازاماتىن وسى جىلدىڭ مامىرىندا قازاقستاننىڭ ۇلتتىق قاۋٸپسٸزدٸك كوميتەتٸنٸڭ قىزمەتكەرلەرٸ "قورعاس كەدەن بەكەتٸن زاڭسىز بۇزىپ ٶتتٸ" دەگەن ايىپپەن ٷيٸنەن ۇستاپ الىپ كەتكەن.
بەلگٸلٸ بولعانداي, ەرلٸ-زايىپتى ۋەلي ٸسلەم مەن سايراگٷل ساۋىتباي ەكٸ بالاسىمەن بٸرگە قازاقستانعا 2016 جىلى كٶشٸپ كەلگٸسٸ كەلٸپتٸ. الايدا سايراگٷل ساۋىتبايدىڭ قىتايدا مەملەكەتتٸك قىزمەتتە ٸستەۋٸنە بايلانىستى جەرگٸلٸكتٸ بيلٸك پاسپورتىن الىپ قويعان. سوندىقتان ول قازاقستان ازاماتتىعىنا قۇجات تاپسىرا المايدى.
ەتنيكالىق قازاق سايراگٷل ساۋىتبايعا قاتىستى سوت ٷكٸمٸ 1 تامىزدا شىقتى. الماتى وبلىسىنىڭ پانفيلوۆ اۋداندىق سوتى قانداسىمىزدى 6 ايعا شارتتى تٷردە باس بوستاندىعىنان ايىرىپ, سوت زالىنان بوساتتى. ول قازاقستان اۋماعىنان شىعارىلمايدى. تەك التى اي كٷيەۋٸنٸڭ مەكەنجايى بويىنشا پروباتسييالىق باقىلاۋدا بولادى.
