سايلاۋشىلاردىڭ تۇرعىلىقتى جەرٸ بويىنشا تٸزٸمٸن تيٸستٸ جەرگٸلٸكتٸ اتقارۋشى ورگان جاسايدى. بۇل تۋرالى بٷگٸن قر ورتالىق سايلاۋ كوميسسيياسى تٶراعاسىنىڭ ورىنباسارى كونستانتين پەتروۆ ايتتى, دەپ حابارلايدى "ۇلت اقپارات".
«سايلاۋشىلاردىڭ تۇرعىلىقتى جەرٸ بويىنشا تٸزٸمٸن تيٸستٸ جەرگٸلٸكتٸ اتقارۋشى ورگان جاسايدى. وعان رەسپۋبليكانىڭ بەلسەندٸ سايلاۋ قۇقىعى بار 18 جاسقا تولعان, ەرەكەتكە قابٸلەتتٸ, باس بوستاندىعىنان ايىرۋ ورىندارىندا وتىرمايتىن ازاماتتار ەنگٸزٸلەدٸ. ناقتى بٸر سايلاۋ ۋچاسكەسٸندە ازاماتتى سايلاۋشىلار تٸزٸمٸنە ەنگٸزۋ ٷشٸن ونىڭ وسى سايلاۋ ۋچاسكەسٸنٸڭ اۋماعىنداعى تۇرعىلىقتى جەرٸ بويىنشا تٸركەلۋ فاكتٸسٸ نەگٸز بولىپ سانالادى», - دەدٸ ول وسك وتىرىسىندا
ونىڭ اتاپ ٶتۋٸنشە, ۋاقىتشا تٸركەلگەن ازاماتتار سايلاۋشىلار تٸزٸمٸنە ولاردىڭ جەرگٸلٸكتٸ اتقارۋشى ورگاندارعا بەرگەن ٶتٸنٸشٸ نەگٸزٸندە عانا ەنگٸزٸلۋٸ مٷمكٸن.
«10 جەلتوقسانعا دەيٸن تٸركەۋ بولماعان جاعدايدا ازاماتتار داۋىس بەرۋگە ارنالعان ۋچاسكەنٸ تاڭداۋ تۋرالى جەرگٸلٸكتٸ اتقارۋشى ورگانعا ٶتٸنٸش جاساۋعا قۇقىلى. ەگەر سايلاۋشىعا سايلاۋدان كەمٸندە 30 كٷن بۇرىن, ياعني 10 جەلتوقساننان كەشٸكتٸرمەي, سايلاۋ كٷنٸ ونىڭ تٸركەلگەن جەرٸ بويىنشا داۋىس بەرۋگە ارنالعان ٷي-جايعا كەلۋ مٷمكٸندٸگٸ بولمايتىنى بەلگٸلٸ بولعان جاعدايدا, ول ٶزٸنٸڭ بولاتىن جەرٸ بويىنشا جەرگٸلٸكتٸ اتقارۋشى ورگانعا ٶزٸن سايلاۋشىلاردىڭ تيٸستٸ تٸزٸمٸنە ەنگٸزۋ تۋرالى جازباشا ٶتٸنٸش جاساۋعا قۇقىلى. بۇل رەتتە جەرگٸلٸكتٸ اتقارۋشى ورگان ازاماتتى تٸركەلگەن جەرٸ بويىنشا سايلاۋشىلار تٸزٸمٸنەن شىعارۋدى جەنە ونى ازامات داۋىس بەرەتٸن ۋچاسكەنٸڭ سايلاۋشىلار تٸزٸمٸنە ەنگٸزۋدٸ ۇيىمداستىرادى», - دەدٸ كونستانتين پەتروۆ.
