«Qazaqstan» تەلەارناسىنان نۇرسۇلتان نازارباەۆتىڭ ارنايى سۇحباتىنا نەگٸزدەلگەن «Nur-Sultan. قولتاڭبا» دەرەكتٸ فيلمٸ شىعادى. ەلباسى سۇحباتىندا ەلوردانىڭ ٶتكەنٸ مەن بولاشاعى تۋرالى ساۋالدارعا جاۋاپ بەردٸ. بۇل تۋرالى تەلەارنانىڭ باسپاسٶز حاتشىسى ايدىن دٷيسەنبايقىزى حابارلادى.
«ەل استاناسىن ورتالىققا كٶشٸرۋ تۋرالى شەشٸمدٸ قابىلداۋ وڭاي بولعان جوق. كٶپشٸلٸك قارسى بولدى. رەسپۋبليكا استاناسى رەتٸندە قاراستىرعان قالالار تٸزٸمٸندە الماتى, اقتٶبە, ٶزٸم جيىرما جىل قىزمەت ەتكەن قاراعاندى بار ەدٸ. بٸراق قازٸرگٸ شەشٸمٸمە ٶكٸنبەيمٸن. استانا ەلدٸڭ باسىن بٸرٸكتٸرگەن ٷلكەن شاھارعا اينالدى. جوسپار بويىنشا 500-600 مىڭ تۇرعىنى بار ەكٸمشٸلٸك قالا بولۋى تيٸس ەدٸ, بٸراق قالانىڭ ٶمٸرٸن توقتاتۋعا بولمايتىنىن تٷسٸندٸك», - دەدٸ ەلباسى جۋرناليست لەززات تانىسبايعا بەرگەن سۇحباتىندا.
سۇحباتتا نازارباەۆ ساياسي تەۋەكەلدەرگە بارۋ سەبەپتەرٸن, سونىمەن بٸرگە ەلوردا حالقىنىڭ بولاشاقتاعى شەكتٸ سانى, كەلەشەكتە قالا تۇرعىندارىنا جاسالاتىن يگٸلٸكتەر مەن قالا قۇرىلىسىنا قاتىستى جاڭا جوسپارلار تۋرالى باياندايدى.
جوبادا قازاقستاندىق سەۋلەتشٸلەر, قالاداعى ەرەكشە نىسانداردى سالۋعا اتسالىسقان امانجول چيكاناەۆ, سەرٸك رۋستامبەكوۆ, بايعۇتتى تورتاەۆ, بريتانييالىق ارحيتەكتور نورمان فوستەردٸڭ سۇحباتتارى بار.
«Qazaqstan» تەلەارناسى باسپاسٶز قىزمەتٸنٸڭ مەلٸمەتٸنشە, دەرەكتٸ فيلم 5 شٸلدە كٷنٸ ساعات 20:00-دە ەفيرگە شىعادى.
