ساياساتتانۋشى باۋىرجان سەرٸكباەۆ بيىلعى ٶتەتٸن اۋىلدىق دەڭگەيدەگٸ ەكٸمدەردٸ تٸكەلەي سايلاۋعا قاتىستى پٸكٸر بٸلدٸردٸ, دەپ حابارلايدى قازاقپارات.
باۋىرجان سەرٸكباەۆتىڭ ايتۋىنشا, قازاقستاندا 2300-دەن استام اۋىل ەكٸمٸ بار. 2023 جىلعا دەيٸن بارلىعىن ٶز مەرزٸمٸنٸڭ اياقتالۋىمەن حالىق سايلايتىن بولادى.
«بۇل تٸكەلەي پرەزيدەن قاسىم-جومارت توقاەۆ مىرزانىڭ ساياسي رەفورماسىمەن ٸسكە اسىپ جاتقان, ەلٸمٸزدە دەموكراتييالىق باسقارۋ پرينتسيپتەرٸن ورنىقتىراتىن تاريحي قادام. ورتا ازييا ەلدەرٸنٸڭ ٸشٸندە قازاقستان اۋىل ەكٸمدەرٸن سايلاۋدى بٸرٸنشٸ بولىپ قولعا الدى. مەملەكەت, قوعام ٷشٸن تەجٸريبە, سىن ساعات بولاتىن ماڭىزدى ساياسي پروتسەسس», - دەيدٸ ساياساتتانۋشى.
سونىمەن قاتار, ول سايلاۋدىڭ ەرەكشەلٸگٸنە توقتالدى.
«اۋىل ەكٸمٸنە سالىقتىڭ 9 ساناتىنان تٷسكەتٸن ٶز بيۋدجەتٸ بەرٸلەدٸ. ەكٸمنٸڭ بۇرىنعىداي اۋدان ەكٸمٸنە جالتاقتاماي, ٶز بيۋدجەتٸمەن اۋىلدىڭ مەسەلەسٸن شەشە الاتىن مٷمكٸندٸگٸ بولادى. حالىق سايلايدى. ەكٸم تٸكەلەي ٶز سايلاۋشىلارىنىڭ الدىندا جاۋاپتى بولاماق. حالىق سەنٸمسٸزدٸك تانىتىپ, ۇناماعان ەكٸمدٸ كەرٸ قايتارىپ الا الادى. ەكٸم بولۋ ٷشٸن جاسى 25-كە تولعان, جوعارى بٸلٸمدٸ, مەملەكەتتٸك قىزمەتتە ەڭبەك تەجٸريبەسٸ بار نەمەسە اۋىل شارۋاشىلىعى سالاسىندا, جەكە سەكتوردا باسشىلىق قىزمەتتە بولعان ازاماتتار سايلانا الادى. ەكٸم 4 جىل مەرزٸمگە سايلانادى. سونىمەن قاتار, كانديداتتار ٶزٸن-ٶزٸ ۇسىنا الادى. ول ٷشٸن سايلاۋشىلاردىڭ 1% داۋسىن الۋى تيٸس. تاعى بٸر ايتا كەتەرلٸگٸ, سايلاۋعا ساياسي پارتييالار اتىنان دا تٷسە الادى», - دەيدٸ سپيكەر.
ونىڭ ايتۋىنشا, پرەزيدەنت ەلٸمٸزدەگٸ 90% ەكٸمدەردٸ حالىق سايلاۋى تيٸس دەگەن تالاپ قويدى. 2024 جىلدان باستاپ اۋدان ەكٸمدەرٸن سايلاۋعا كەلەمٸز. بەرٸ سەتتٸ ٶتسە سول تەجٸريبەمەن كەلەشەكتە ٸرٸ قالالار مەن وبلىس ەكٸمدەرٸن دە حالىق سايلايتىن نٷكتەگە كەلۋٸمٸز ەبدەن مٷمكٸن.
«مەنٸڭ ويىمشا پرەزيدەنت باستاعان بۇل رەفورما الداعى 4-5 جىلدا ناقتى ٸسٸمەن كٶرٸنگەن جاڭا ساياسي ليدەرلەردٸ حالىق الدىنا الىپ شىعادى. مەملەكەتتٸك باسقارۋدا پراكتيكالىق تەجٸريبەسٸ, نەتيجەسٸ, جەتكەن جەتٸستٸگٸ بار زاماننىڭ جاڭا ليدەرلەرٸن قالىپتاستىرادى. بۇل پروتسەسس الداعى 5-6 جىلدا قوعامدىق سانا مەن ساياسي مەدەنيەتتٸ مٷلدەم باسقا ساتىعا كٶتەرەتٸن بولادى. حالىق سٶزدٸڭ ەمەس, ٸستٸڭ ادامدارىن بٸردەن تانيتىن دەڭگەيگە كەلەدٸ. سوعان قاراپ باعا بەرٸلەدٸ. پرەزيدەنت باستاعان اۋىل ەكٸمدەرٸن سايلاۋ رەفورماسى ەلٸمٸزدٸ ساتىلاپ ٶزگەرەتٸن, دەموكراتييا پرينتسيپتەرٸن مىقتاپ ورناتاتىن, ەڭ باستىسى قازاقستاندى سانالى, ٶركەنيەتتٸ دەموكراتيياعا باستايتىن بٸردەن بٸر جول بولادى. رەاليزم سولاي. سوعان كەلە جاتىرمىز», - دەيدٸ ول.
