تانىمال جاس اقىن سايان ەسجاننىڭ بٸر توپ ٶلەڭٸن وقىرمان نازارىنا ۇسىنامىز.
كٶنە سارايشىق
سىر شەرتٸپ تۇرعانداي-اق دالام ابىز -
قۇمىنان تولعايتىنداي زامان اڭىز.
...باعزى بٸر عاسىرلاردىڭ سٶزٸن سٶيلەپ,
جايىققا قوندى تاعى سارىالا كٷز.
دەرەگٸن ونىڭ ۋاقىت, جەل بٸلەدٸ,
Əۋليەاعاش باسىنداعى ەل بٸلەدٸ.
قاسىمنىڭ قاسقا جولىن جىرمەن ٶرٸپ,
يللاھي نۇرعا عاجاپ سەندٸرەدٸ.
اق جايىق,
قاندى جايىق نە كٶرمەگەن,
جاعاڭنان ٶمٸر كٶرەم, ٶلەڭ كٶرەم.
ٶتكەننٸڭ ٶزٸن كٶرەم تولقىنىڭنان,
سəت سايىن تولقىپ اعىپ, تٶمەندەگەن.
سٶيلەيتٸن كٷي تٸلٸندە ابات قىردىڭ,
سەلەۋٸن جٷرەگٸممەن تاراپ تۇرمىن.
كٶشكەن قۇم - تاريحىم ول تەرەڭدەگٸ
جۇتىلعان جانارىنا مانات تٷننٸڭ.
بايسىن ەل, بايىرعى جۇرت, اي-حاي دالام,
مəڭگٸلٸك ٶتسە-داعى قارتايماعان.
باسىنان وسى جۇرتتىڭ باق تايماعان,
تاسىنىڭ ٶزٸنەن دە əر تايماعان.
...شٸركٸن-اي, ابىز دالام, اڭىز دالام,
كٶز جاسىن كٸم بار سەن دەپ اعىزباعان?!
تəڭٸردٸڭ ەڭ بٸر كٶركەم قولتاڭباسى -
تارالعان توعىز ارناڭ - توعىز عالام.
...جايىق-اۋ, كٶزدٸڭ مٶلدٸر كəۋسارىنداي,
جٷرە المان سەنٸ سٷيمەي ھəم ساعىنباي.
بۇل ٶلەڭ - جان كٶزٸنٸڭ بٸر تامشىسى
تٶگٸلگەن كٶرگەن مەزەت بارشا قۇمدى-اي...
2016
سەكەر كٶل
جەل كەمٸرٸپ باسقان قادام, əر ٸزدٸ,
سول سəت ۋاقىت توقتاپ قالعان تəرٸزدٸ.
تاعدىرىمنىڭ جازۋىنداي قۇپييا
سيپاپ تۇرىپ كٶمەسكٸلەۋ بəدٸزدٸ
شىن دەپ ۇقتىم, جۇرت سەنبەيتٸن اڭىزدى.
"اققۋ كٶلدٸڭ" جارقىراعان ايناسى,
جۇماق كٷنٸڭ قايدا وسى?
مىڭجىلدىقتار تٸل قاتقانداي قۇمىڭنان,
Əلكەي شالدىڭ تيگەن سəتتە قايلاسى.
قايران, تاريح!..
بٸزدەر سەنەن نەنٸ ۇقتىق?
قايران قالدىق, سٷيسٸندٸك ھəم زەرٸكتٸك.
"...التىن دəۋٸر - بٸز كٶرمەگەن تۇنىقتىق,
التىن قايىق - بٸز كٶرمەگەن بەرٸكتٸك."
سىر اشپايدى ۇلى جايىق ارناسى,
سىر دەگەنٸڭ - كٶمٸلگەن-دٸ جاردا وسى.
كٶبٸك اتىپ, تولقىن سٷيگەن ارناڭدا
قالدى دەيسٸڭ تاريحىڭنىڭ ال, نەسٸ?
سٶزٸنە ٶزٸ اينالعان-دى ول دəۋٸردٸڭ,
زٸلٸنەن دە قۇلاماعان كəۋٸردٸڭ.
مىنا دالا - ٶتكەنٸڭنٸڭ جازباسى,
قالامىمەن ٶرنەكتەلگەن تəڭٸردٸڭ.
"...التىن قايىق, اققۋ كٶل...
ھəم بəرٸ اڭىز" -
دەپ سەنگەن ەل, بٸز دە سوعان نانامىز.
جايىق تٷگٸلٸ سانسىز عۇمىر كٶشٸرگەن,
"بۇل جەر بەتٸ - بٸزدٸڭ ورتاق مولامىز."
...جەل جۇتادى كٷندە كەلگەن əر ٸزدٸ,
جۇتقان جəنە بٸزدەر سەنگەن اڭىزدى.
تاعدىرىمنىڭ جازۋىنداي وقىلماس,
سيپاپ تۇرمىن əلٸ سول بٸر بəدٸزدٸ.
ٶزگە الماتى
سول الماتى... سول كٶشە,
مٶلدٸر اسپان,
جاپىراقتار جەلمەنەن سالعىلاسقان.
بەرٸ-بەرٸ اياۋلى ھەم باياندى
ٶتپەيتٸندەي بۇل عۇمىر مەڭگٸ باستان.
(كٶشەلەردە, جولداردا, داڭعىلداردا ەر,
ٶمٸر قالعان, مىڭداعان تاعدىر قالعان.)
بەرٸ-بەرٸ مەن ٷشٸن سونداي ىستىق,
ەسٸنەگەن ەسسٸز جەل تامبۋرلاردان.
سول ساياباق...ورانعان سۇر تۇمانعا,
جالعىزدىق پا, جانىندا كٸل كٷمەن با?!
قول بۇلعاپ شاقىرادى ٷنسٸزدٸكتە,
بارعىم جوق, بارعىسى جوق ىرقىم وندا.
قايران, قالام!
مەكەنٸ ەر جالعىزدىڭ,
جٷرەككە كٶمٸپ مۇڭىن سالعان كٷزدٸڭ.
سىڭسىعان گيتارانىڭ ٶكسٸگٸندەي
شەرٸ بوپ باقتا جالعىز قالعان قىزدىڭ.
سەن جايلى ەل بٸلەدٸ, مەن نە بٸلەم,
الماتى, سەن دە كٷرەڭ, مەن دە كٷرەڭ.
جٷرەكتٸڭ جاسىمەنەن جانىم جۋىپ,
ٶتكەنٸم دەرۋ بولىپ ەمدەلٸپ ەم.
كٶز جاسى كٶكٸرەگٸمە تولىپ كٶكتٸڭ,
سەندەگٸ ەر مەزەتتٸ جەلٸك دەپپٸن.
جانىما العان ەربٸر قۋانىشتى,
جانىڭا مەڭگٸلٸككە كٶمٸپ كەتتٸم.
2015
"سالقىن" فيلوسوفييا
شٶپ دەمٸنەن دٸرٸل قاققان اۋانى,
تٷن دەمٸنەن كٷبٸر ەتكەن دالانى,
وياتا العان بٸر عانا سٶز سامالى.
........................................................
تٷن كٶزٸنەن جىلدار ٷنسٸز تامادى,
تٷن كٶزٸنەن مۇڭ دا ٷنسٸز تامادى;
بٸر عانا سٶز جٷرەكتەردە ويانعان -
قالادى.
ٶمٸر - ٶمٸر.
شەكسٸز ويدىڭ تورابى -
تاعدىر - تاعدىر.
جٷرٸلمەگەن جول əلٸ.
- نەنٸ ۇعىندىڭ, دٷنيەنٸڭ قوناعى?
- شامالى...
تەك, بٸر عانا سٶز!..
2015
الاقانداعى جازۋ
سەن جايلى جازىلعان ەڭ كٶركەم سٶيلەمنٸڭ,
ەڭ كٶركەم جازبانىڭ ٸشٸنەن,
جىميىسىن جىپ-جىلى بەينەڭنٸڭ
ەندٸ سالقىن ەكەندٸگٸن تٷسٸنەم.
سول جىرلار - جىلداردىڭ جىلى ەستەلٸگٸ,
تەك, تاعدىر سۋىق.
سەزٸم تۋدىرعان كٷرەستەن ۇلى
بٸلەمٸن,
قالدىم سىنىپ.
ٶلە-ٶلگەنشە جادىمدا تۇنىپ تۇرادى
ەستەلٸكتەردٸڭ ەسكٸ جازباسى.
ۇمىتىلمايتىن سəتتەردٸ ۇمىتتىرادى
قوڭىرقاي تٷننٸڭ كٶز جاسى;
مəڭگٸلٸك تاڭبالانار جانىمدا,
ٶتكەنٸم...
جان دەيتٸن جالعىز قورىمدا
جەرلەنگەن كٶكتەمٸم.
...تاعدىرلىق دەجاۆيۋ!
2015
ايداي
كٷننٸڭ قوڭىر كٷرسٸنٸسٸ, تٷن دەمٸ -
بوياۋى وسى بەس كٷننٸڭ.
ونىڭ جالعىز بٸلگەنٸ -
بٸلمەيتٸنٸ ەشكٸمنٸڭ.
P.S:شەكسٸزدٸككە شاقىرادى مəڭگٸلٸك,
سەن سەزەسٸڭ, بارلىعىن.
ۋاقىتتىڭ ايناسىنان جان كٷلٸپ
جىمييادى تاعدىرىڭ.
سول اينادان بəرٸن-بəرٸن كٶرەمٸز
كٶرمەيمٸز ھəم ەشتەڭەنٸ -
سەنەمٸز.
سەنەتٸنٸمٸز - ٷمٸت وتىنىڭ ٶشپەگەنٸ.
زاڭدىلىعى تٷسٸنٸك پەن ۇعىمنىڭ
جٷرەگٸمٸزدە بٷرلەگەن.
بٸز - ٶمٸر دەگەن تٷككە تاتىماس عۇمىردىڭ
ٶزٸ دە كٸرلەگەن.
سٶزدەر كەرۋەنٸمەن شۇبالعان
سٶيلەمنٸڭ اينالامىز سوڭىنا.
ەركٸندٸكتەن دە, بوسايمىز ھəم بۇعاۋدان,
سوڭىرا.
تارتىلىس كٷشٸنەن اۋىرلاۋ,
بٸر سەزٸم ويانار جادتاعى.
ٶمٸردٸڭ ٶزٸندەي جاۋىرلاۋ -
سول بٸر سəت - بار بəرٸ, جوق بəرٸ.
مازمۇنسىز تٸرلٸكتٸڭ ٶزٸنەن
جارىلار بٸر Əلەم.
...Əلەمنٸڭ مٶلت ەتٸپ كٶزٸنەن
مەن سوندا شىعار ەم.
***
ەسٸل,
بٷگٸن سەن دە مۇڭلىق, مەن مۇڭلىق
قاراشانىڭ قارا اسپانىن شەر, مۇڭ عىپ...
قوڭىر باقتا قول ۇستاسىپ كٷزبەنەن
ٶمٸر مەنٸن تەڭ بٸلدٸك.
ەڭسەنٸ ەزسە اۋىر ويلار سالماعى,
قاي ٷمٸتتٸڭ باستار بٸزدٸ جولدارى?!
...سەن كٷرسٸنسەڭ – كٶزٸڭ سالىپ اسپانعا,
مەن كٷرسٸنسەم – ەسكە الامىن اللانى.
ەسٸل, ەسٸل...
تاعدىرىمىز بٸر بٸزدٸڭ,
تار ارناعا مەن دە ٶزٸمدٸ بۇرعىزدىم.
جاننىڭ جالعىز مەيٸرٸمٸنە شٶلدەگەن
جانىمىزدى ۇعار سٸرە, كٸم بٸزدٸڭ?!
...قالا جاتىر – تۇنجىراعان, كٷرسٸنگەن,
دالا جاتىر – كٶكٸرەگٸنە مۇڭ سٸڭگەن.
قالقاتايدىڭ قاراشىعى سەكٸلدٸ
قاراشىعىما تٷن سٸڭگەن.
قوڭىر باقتا قوڭىر كٷز تۇر, تورىعىپ,
ارقا سٷيەپ, جەل جىلايدى ەگٸلٸپ.
...قايران, ەسٸل!
جالعىزدىقتار مەكەنٸ –
قايران, ەسٸل...كٶپ ٶكٸنٸش, كٶپ ٷمٸت...
2015
***
مەن اقيقات تابا المادىم ٶزٸمنەن,
ەش جۇبانىش تابا المادىم سەزٸمنەن.
كٶك اسپاننىڭ كٷرسٸنٸسٸ سەكٸلدٸ
تٷن تامشىلاپ جاتقان شاقتا كٶزٸمنەن.
مەن مەزگٸلدٸڭ سەزٸنەمٸن ىرعاعىن,
مەن ۋاقىتتىڭ سەزٸنەمٸن مۇڭدارىن.
مەن تٷسٸنەم, سونىڭ بەرٸن تٷسٸنەم,
سەنٸ عانا تٷسٸنە الماي تۇرعانىم.
بٸزدٸڭ تاعدىر, مٷمكٸن ٶمٸر – اق ٶلەڭ,
سيقىرلى ەۋەن تامشىلاعان ەۋەدەن.
مەندٸك ٷمٸت قۇلاگەردەي جٷيٸتكٸپ,
تابىلماعان مەرەدەن.
قانشا كٷندەر, قانشا تٷندەر وزدى العا,
وعان سٸرە, سٶز بار ما?!
سەن نە دەيسٸڭ, مەن نە دەيمٸن بٸلمەيمٸن,
نە دەي الام جازعانعا?!
2015
***
سٶنگەن جۇلدىز - كٶرگەن تٷستٸڭ بايانى -
بايانسىز كٷن - تٸرشٸلٸكتٸڭ اياعى.
ونىڭ مəڭگٸ سٶنگەنٸ -
ٶلگەنٸ.
دəل وسىلاي شەكسٸز عۇمىر بوياۋى...
سولاي بولعان əۋەلدەن,
سٶنگەن جۇلدىز – جان ٶلگەن.
قوس جۇلدىزدىڭ قۇلاعانىن كٶردٸم مەن
ٶتكەندە ھəم بٷگٸندە -
قوش ايتىسىپ əلەممەن;
...Əلەم تاعى ٷنسٸزدٸكتە...
ٶلەڭ...مەن...
قوس جانارىم بوتالاپ تۇر تٶمەننەن.
2016
سايان ەسجان 1991 جىلى اقمولا (كٶكشەتاۋ) وبلىسى بۋراباي اۋدانىنا قاراستى تٷلكٸلٸ اۋىلىندا دٷنيەگە كەلگەن. ٶلەڭدەرٸ رەسپۋبليكالىق مەرزٸمدٸ باسىلىمداردا جارييالانىپ, تۋىندىلارى ون شاقتى ۇجىمدىق جىر جيناقتارىنا ەنگەن. 2013 جىلى استانا قالاسىنداعى ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ جۋرناليستيكا جەنە ساياساتتانۋ فاكۋلتەتٸن تەمامداعان.
