بٷگٸن ەلوردادا «مەدەنيەت, بٸلٸم, عىلىم ىقپالداستىعى جەنە قازٸرگٸ زامانعى مەدياكوممۋنيكاتسييا» اتتى حالىقارالىق عىلىمي-تەجٸريبەلٸك كونفەرەنتسييا ٶتتٸ. قر پارلامەنتٸ مەجٸلٸسٸنٸڭ دەپۋتاتى, كٶرنەكتٸ قالامگەر ساۋىتبەك ادراحمانوۆتىڭ 70 جىلدىعىنا ارنالعان جيىن بارىسىندا ەلٸمٸزگە تانىمال مەملەكەت جەنە قوعام قايراتكەرلەرٸ مەرەيتوي يەسٸنە قاتىستى ويلارىمەن بٶلٸستٸ, دەپ حابارلايدى قازاقپارات تٸلشٸسٸ.
«ساۋىتبەك ابدراحمانوۆ - تەۋەلسٸز قازاقستاندى قۇرۋعا جەنە ونىڭ رۋحانييات سالاسىن بايىتۋعا ٶلشەۋسٸز ٷلەس قوسقان ارداقتى ازاماتتاردىڭ بٸرٸ, ەلٸمٸزدٸڭ اقپارات مينيسترٸ, باس باسىلىمنىڭ باسشىسى رەتٸندە جاس مەملەكەتٸمٸزدٸڭ تاريحىندا قالعان تۇلعا. سەۋكەڭ جەمٸسٸ مول 70 جاسقا مەملەكەت جەنە قوعام قايراتكەرٸ, ساليقالى ساياساتكەر, قارىمدى قالامگەر اتانىپ, ابىرويمەن جەتتٸ. شىعارماشىلىعى لايىقتى باعالانىپ, مەملەكەتتٸك سىيلىق يەلەندٸ. ەل-جۇرتتىڭ الدىندا بەدەلدٸ حالىق قالاۋلىسىنا اينالدى. اۋدارمانىڭ قىر-سىرىن, پۋشكين تۋىندىلارىنىڭ تابيعاتىن زەرتتەپ, ەدەبيەتتانۋشى عالىم اتاندى. سٶزٸنٸڭ سالماعى بار, ٸسٸنٸڭ ٶنەگەسٸ بار سەۋكەڭدٸ قۇرمەتتەپ, بٷگٸنگٸدەي حالىقارالىق كونفەرەنتسييا ٶتكٸزۋ ٶتە ورىندى دەپ سانايمىن», - دەدٸ ٸس-شارانى اشقان قر مەملەكەتتٸك حاتشىسى قىرىمبەك كٶشەرباەۆ.
قىرىمبەك كٶشەرباەۆ مەرەيتوي يەسٸن ەلەمنٸڭ 61 مەملەكەتٸن ارالاپ, قىزىقتى رەپورتاجدار مەن وچەركتەر جازعانىن, كٶپتەگەن مەملەكەت باسشىلارىمەن سۇحبات قۇرعانىن, اۋدارما سالاسىندا دا قارىمدى ەڭبەك ەتكەنٸن اتاپ ٶتتٸ.
«سەۋكەڭ – سىنشى. كينونىڭ دا, ەدەبيەتتٸڭ دە سىنشىسى. كەيدە مەملەكەتتٸك قىزمەتشٸلەرگە دە سىن كٶزبەن قارايتىنىن بايقايمىز. ماقتاپ وتىرىپ, ماقتامەن باۋىزدايتىن سٶز زەرگەرٸنٸڭ ورىندى سىنى مەن ويلى ماقالالارى تۇتاس سالانىڭ كەڭەيۋٸنە سٷبەلٸ ٷلەس قوستى», - دەپ اتاپ ٶتتٸ مەملەكەتتٸك حاتشى.
ال مەملەكەت جەنە قوعام قايراتكەرٸ مىرزاتاي جولداسبەكوۆ ساۋىتبەك ابدراحمانوۆتىڭ مەدەنيەتتٸ, يناباتتى, كٸشٸپەيٸل, بٸلٸمدٸ, جازا دا الاتىن, ايتا دا الاتىن تەرەڭ ويدىڭ ادامى, كٶرنەكتٸ تۇلعا ەكەندٸگٸن اتاپ ٶتتٸ.
«سابىرلى, بايسالدى, سىيلى ازامات, ٷلكەن پاراسات يەسٸ, بەلگٸلٸ مەملەكەت قايراتكەرٸ. قازاقستان ورتالىق پارتييا كوميتەتٸندە, كەيٸن ٷكٸمەتتە ەبٸش, يمانعالي, قىرىمبەك, تٶلەن, ەلٸبەك, ساۋىتبەك - بەرٸمٸز بٸرگە قىزمەت ەتتٸك. جاقسى جىلدار ەدٸ. قيىن بولسا دا ەسٸمٸزدە قالدى. اعالى-ٸنٸلٸ بولدىق. ساۋىتبەك بٷگٸندە - دەپۋتات, كٶرنەكتٸ جۋرناليست, بەلگٸلٸ ەدەبيەتشٸ عالىم, مەملەكەتتٸك سىيلىقتىڭ يەگەرٸ. ماقتاۋعا دا, ماقتانۋعا دا تۇراتىن ٷلكەن ازامات», - دەدٸ مىرزاتاي جولداسبەكوۆ.
قر پرەزيدەنتٸنٸڭ كەڭەسشٸسٸ, قر ۇعا اكادەميگٸ باۋىرجان وماروۆ بولسا مەرەيتوي يەسٸن يۋمورعا تولى سٶزٸمەن قۇتتىقتاپ, ٸس-شارا قاتىسۋشىلارىنىڭ كٶڭٸلٸن كٶتەردٸ.
«ساۋىتبەك ابدراحمانوۆ - انىقتاۋشىسى التى اۋىز سٶزدٸ قۇرايتىن ەلەۋلٸ ەسٸم, قارىمدى قالامگەر, قاجىرلى قايراتكەر, ساليقالى ساياساتكەر, ماڭعاز مەملەكەتتٸك قىزمەتشٸ, داڭقتى دەپۋتات, شيراق شەنەۋنٸك, مەرتەبەلٸ مينيستر, ايبارلى اقپاراتشى, ازۋلى اپپاراتشى, الىمدى اۋدارماشى, ەلەۋەتتٸ ەدەبيەتتانۋشى, پاراساتتى پۋشكينتانۋشى. وسى ەسەرلٸ ەپيتەتتەردٸڭ بەرٸ ونىڭ ٶمٸر جولىنىڭ ەر تۇسىن ٶرنەكتەيدٸ. ەندٸ مٸنە وعان بٷگٸن 70-تەگٸ جٸگٸت دەگەن تاماشا تٸركەس قوسىلدى. ٶمٸر بار جەردە يۋمور بار. سول يۋموردان مەرەيتوي يەسٸنٸڭ ٶزٸ دە كەندە ەمەس. يۋموردى سەزٸنبەگەن ادام ٶمٸردٸ سەزٸنۋدەن قالادى. سوندىقتان جىلى لەبٸزٸمٸزدٸ جاراسىمدى يۋمورعا بٶلەپ وتىرىپ, سٸزدٸڭ ەرەكشە قاسيەتتەرٸڭٸزدٸ سانامالاپ كٶرەيٸك. ەر جٸگٸتكە كەرەگٸ باق پەن باپ. سونىڭ سٸزدە ەكەۋٸ دە بار. باستاعى باعىڭىز بەن ٷيدەگٸ بابىڭىز ٶزٸڭٸزدٸ ٷنەمٸ العا جەتەكتەپ كەلەدٸ. بٷكٸل اقپارات قۇرالدارىنىڭ جيىنتىق اتاۋى رەتٸندەگٸ ٶڭكەي باس ەرٸپپەن جازىلاتىن باق-تا سٸزدەن اجىراعان جوق. ەندەشە تٷرلٸ ەرٸپپەن جازىلاتىن تٷرٸ باقتارىڭىز سٸزگە سەرٸك بولا بەرسٸن! باعىڭىز دا, بابىڭىز دا قاتار ٶرلەي تٷسسٸن: تەك يۋموردى كەرەمەت تٷسٸنسەڭٸز دە, سول يۋموردى ايتقاندا ونشا قاتتى كٷلمەيتٸندٸگٸڭٸز, كٷلٸپ بولا سالا ەزۋٸڭٸزدٸ تەز جيناپ الاتىنىڭىز, بٸر قاراعان ادامعا سەل سۋىقتاۋ كٶرٸنەتٸندٸگٸڭٸز, ٶزٸڭٸزدٸ اسا قاتتى بٸلٸڭكٸرەمەيتٸن جاننىڭ كٶزٸمەن زەر سالعاندا ەپتەپ قانا سىزدانىپ, ازداپ قانا مۇزدانىپ تۇراتىندىعىڭىز بولماسا, جالپى ٶتە مەيٸرٸمدٸ ادامسىز», - دەپ ەزٸلگە بۇردى باۋىرجان وماروۆ.
«ەلٸمٸزدٸڭ, حالقىمىزدىڭ قازٸرگٸ قالامگەرلەرٸ ٸشٸندە ورنى بٶلەك ساۋىتبەك ابدراحمانۇلىمەن بٸراز جىلدان بەرٸ جولداسپىز. سەكەڭنٸڭ قالامگەرلٸك دەرەجەسٸنە باعا بەرۋدەن اۋلاقپىن. ەيتسە دە, ويلانىپ وقيتىن وقىرماندارىنىڭ بٸرٸ رەتٸندە باسپا بەتٸنە شىققان كٸتاپتارىن, ماقالالارىن مٸنبەردەن سٶيلەگەن سٶزدەرٸن وقىپ, تىڭداعاندا ەرەكشە ەسەر الاتىنداردىڭ بٸرٸمٸن. اباي بابامىز: «ٶزٸن الما, سٶزٸن ال» دەگەن ەكەن. ساۋىتبەك ابدراحمانۇلى - ٶزٸن دە, سٶزٸن الۋىمىز كەرەك ازامات», - دەپ اتاپ ٶتتٸ ٶز كەزەگٸندە مەملەكەت جەنە قوعام قايراتكەرٸ باقتىقوجا ٸزمۇحامبەتوۆ.
ل.گۋميلەۆ اتىنداعى ەۇۋ رەكتورى ەرلان سىدىقوۆ ۇلت زييالىلارىنىڭ «مەدەنيەت – قۇدايدان كەيٸنگٸ زور كٷش» دەگەن دانالىعىن قالامگەر, عالىم ساۋىتبەك ابدراحمانوۆ زامانعا ساي سالالاندىرۋعا, دارالاندىرۋعا اتسالىسقانىن باسا ايتتى.
«بٸرٸنشٸدەن, سەۋكەڭ اقپارات سالاسىنىڭ ٷزدٸگٸ, شەبەر ۇيىمداستىرۋشى عانا ەمەس ينتەلەكتۋالدىق بۇقارالىق اقپارات قۇرالدارىنىڭ باعىن اشقان قالامگەر دەسەك, ارتىق ايتقان بولمايدى. ەكٸنشٸدەن, ساۋىتبەك ابدراحمانۇلى مەدەنيەت ىقپالداستىعىنىڭ ٸرٸ مامانى, كەسٸبي زەرتتەۋشٸسٸ, اۋدارماشىلىعى تاعى بار. ٷشٸنشٸدەن, سەۋكەڭ شىعارماشىلىعىن سيپاتتايتىن تاپقىرلىق, شەشەندٸك, ورايلى يۋمور جاستار ٷشٸن اسا قاجەت قاسيەت دەپ بٸلەمٸن. تٶرتٸنشٸدەن - ساۋىتبەك ابدراحمانۇلى قازاقستان حالقى اسسامبلەياسىنىڭ بەلدٸ جەنە جەتەكشٸ ٶكٸلٸ, قازاق ۇلتى مەن ەتنوستاردىڭ بٸرلٸكتە دامۋىنىڭ جانكٷيەرٸ. بەسٸنشٸدەن - سەۋكەڭ تاماشا دەرٸسشٸ, پاراساتتى پروفەسسور. بٸلٸم الۋشىلار ابدرحامانوۆ دەرٸسٸن ٸزدەپ جٷرٸپ تىڭدايدى», - دەدٸ ۋنيۆەرسيتەت باسشىسى.
كونفەرەنتسييا بارىسىندا ساۋىتبەك ابدراحمانوۆتىڭ «ەلدٸك ەرلٸگٸ» اتتى بەس تومدىق پۋبليتسيستيكالىق شىعارمالارىنىڭ تۇساۋكەسەرٸ ٶتتٸ.
سونىمەن قاتار مەرەيتوي يەسٸنە «گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ قۇرمەتتٸ پروفەسسورى» اتاعى بەرٸلدٸ.
