كوروناۆيرۋس ۆاكتسيناتسيياسىنا قارسىلىق بٸلدٸرەتٸن ادامداردى كٶبٸندە فارماتسەۆتيكالىق فيرمالار قارجىلاندىرادى. نۇر-سۇلتان قالاسىنىڭ كٶپبەيٸندٸ مەديتسينالىق ورتالىعى ديرەكتورىنىڭ ورىنباسارى سەۋلە اتىعاەۆا وسىنداي وي ايتتى, دەپ حابارلايدى قازاقپارات.
ەلوردا ەكٸمدٸگٸ ۇيىمداستىرعان «دٶڭگەلەك ٷستەل» بارىسىندا سەۋلە اتىعاەۆا ۆاكتسينا العان ادام مەن الماعان ادامنىڭ ٶمٸرٸن سالىستىرىپ قاراۋدى ۇسىندى.
«ەلٸمٸزدەگٸ ەر ادام مەديتسينالىق ۇيىمعا نەمەسە ارنايى پۋنكتكە بارىپ ٶمٸرٸنٸڭ 30 مينۋتىن ۆاكتسينا الۋعا بٶلە الادى دەپ ويلايمىن. ٶيتكەنٸ بۇل جۇمىس ٶتە جاقسى پىسىقتالعان. 30 مينۋتتان ارتىق ۋاقىت شىعىندامايسىز. وسى 30 مينۋتتان كەيٸن قالىپتى الاڭسىز ٶمٸرگە ورالۋعا بولادى. تاعى 21 كٷن ٶتكەننەن كەيٸن - ەكٸنشٸ 30 مينۋتتى قيسا بولدى. انتيدەنە وسىلاي قالىپتاسادى. ۆاكتسينا العاننان كەيٸن كەيبٸر ادامدار اۋىرسىنۋ سەزٸنۋٸ مٷمكٸن. بٸراق مۇنداي ەسەرلەر 1-2 كٷننەن اسپايدى. ياعني ٶز دەنساۋلىعىڭىزدى ٷلكەن قاتەرگە تٸككەنشە, ۆاكتسينا العان ەلدەقايدا اقىلعا قونىمدى», - دەيدٸ مامان.
ول ٶزٸنٸڭ تەجٸريبەسٸندە بۇعان دەيٸن ەكٸ ٸندەتپەن بەتپە-بەت كەلگەنٸن, ۆاكتسينانىڭ ول ٸندەتتەردٸ قالايشا توقتاتقانىن بايانداپ بەردٸ.
«مەن مۇنى سٸزدەرگە 28 جىل ەڭبەك ٶتٸلٸ بار ينفەكتسيونيست دەرٸگەر رەتٸندە ايتىپ وتىرمىن. مەن 1994-95 جىلدارى ديفتەرييانىڭ ٶرشٸگەنٸن كٶرگەن اداممىن. ول كەزدە دە تٷگەل وتباسىلاردى كٶمگەنٸمٸز ەسٸمدە. مەديتسينانىڭ ارقاسىندا, ۆاكتسينانىڭ ارقاسىندا ول ٸندەتتٸ دە جەڭگەن بولاتىنبىز. سودان بەرٸ 25 جىل ٶتتٸ. ديفتەرييانىڭ بٸردە-بٸر جاعدايىن كەزدەستٸرگەن جوقپىن.
تٸپتٸ قىزىلشاعا قارسى بالالار ۆاكتسيناسى بولماعان كەزدٸ دە كٶردٸك. ۆاكتسينا تابىلعاننان بەرٸ ونىڭ دا ٶرشٸگەنٸن كٶرگەن جوقپىز. سوندىقتان ەكپەگە قارسى ادامداردى تىڭداۋدىڭ كەرەگٸ جوق», - دەگەن سەۋلە اتىعاەۆا ۆاتسيناعا قارسى ٷگٸت-ناسيحاتتىڭ ارتىندا دەرٸ-دەرمەك ساۋداسىنىڭ لوببيٸ تۇرۋى مٷمكٸن دەگەن پٸكٸر بٸلدٸردٸ.
«بەلكٸم ولارعا ادامداردىڭ اۋىرعانىن, كٶز جۇمعانىن كٶرۋ قۋانىش سىيلايتىن شىعار. كٶپ جاعدايدا ەكپەگە قارسى ادامداردى فارماتسەۆتيكالىق فيرمالار قارجىلاندىراتىن بولىپ شىعادى. ولارعا اۋرۋ كٶپ تاراسا, دەرٸ شىعارۋعا مٷمكٸندٸك تۋادى. اۋرۋدى انىقتاۋ ٷشٸن دياگنوستيكا جاساۋ دا تابىس كٶزٸ بولىپ كٶرٸنەتٸن شىعار. 30 مينۋت ۋاقىت بٶلٸپ, ٶمٸرگە سەنٸمدٸ قادام باسۋ دۇرىس پا? ەلدە امان قالۋى ەكٸۇشتى كٷيدە, كٷدٸكپەن ٶمٸر سۇرۋ دۇرىس پا? ەركٸم ٶزٸ شەشۋٸ كەرەك», - دەدٸ دەرٸگەر.
اتالعان شارادا سەۋلە اتىعاەۆا كوروناۆيرۋستان كٶز جۇماعان ادامداردىڭ تۋىستىرىنىڭ باستى ٶكٸنٸشٸن ايتتى.
