مەكسيكالىق بوكس جۇلدىزى ساۋل «كانەلو» الۆارەس (57-1-2,39كو) سۋپەر ورتا سالماقتا IFB تۇجىرىمى بويىنشا ەلەم چەمپيونى تيتۋلىن جەڭٸپ الدى, دەپ حابارلايدى قازاقپارات.
بٷگٸن 31 جاستاعى مەكسيكالىق بوكسشى لاس-ۆەگاس (اقش) قالاسىندا كەزەكتٸ جەكپە-جەگٸن جەرگٸلٸكتٸ بوكسشى كالەب پلانتقا (21-1-0,12كو) قارسى ٶتكٸزدٸ.
«كانەلو» ايقاستىڭ بەل ورتاسىنان شابۋىلدى ٷدەتٸپ, قارسىلاسىن رينگتە قۋىپ جٷرٸپ قىسىم جاسادى. ال امەريكالىق بوكسشى قورعانىسقا كٶڭٸل بٶلٸپ, وپپونەنتٸنە ايتارلىقتاي قارسىلىق كٶرسەتە المادى. قورىتىندىسىندا پلانت 11-ٸنشٸ راۋندتىڭ باسىندا اۋىر سوققىدان نوكداۋن الىپ قالدى. امەريكالىق بوكسشى ەكٸنشٸ رەت قۇلاعاننان كەيٸن تٶرەشٸ جەكپە-جەكتٸ مەرزٸمٸنەن بٷرىن اياقتاتتى.
وسىلايشا, ساۋل «كانەلو» الۆارەس IFB تۇجىرىمى بويىنشا ەلەم چەمپيونى تيتۋلىن جەڭٸپ الىپ, سۋپەر ورتا سالماقتا بارلىق چەمپيوندىق بەلدٸكتەردٸ بٸرٸكتٸردٸ. بۇعان دەيٸن, مەكسيكالىق بوكسشى WBC, WBA, WBO جەنە The Ring بەلدٸكتەرٸن يەلەنگەن بولاتىن.
ايتا كەتەيٸك, «كانەلو» كەسٸپقوي مانسابىندا جالپى 60 جەكپە-جەك ٶتكٸزٸپ, تٶرت سالماق بويىنشا ەلەم چەمپيونى اتاندى.
ەسكە سالا كەتسەك, قازاقستاندىق بوكسشى گەنناديي گولوۆكين (41-1-1,36كو) مەن ساۋل الۆارەس اراسىنداعى العاشقى جەكپە-جەك 2017 جىلى تەڭ نەتيجەمەن اياقتالعان ەدٸ. 2018 جىلى قىركٷيەك ايىنداعى ەكٸنشٸ ايقاستا «GGG» تٶرەشٸلەر شەشٸمٸمەن جەڭٸلٸس تاپتى.
