دەنساۋلىق ساقتاۋ مينيسترلٸگٸ سەۋٸردە جاسى 65-تەن اسقان ازاماتتاردى ۆاكتسينالاۋدى باستاۋدى جوسپارلاپ وتىر. بۇل تۋرالى مەملەكەتتٸك باس سانيتار دەرٸگەر ەرلان قيياسوۆ ايتتى, دەپ حابارلايدى "ۇلت اقپارات"
«سەۋٸردە-اق تەۋەكەل توبىنداعى 65-تەن اسقان تۇلعالارعا ۆاكتسينا ەگە باستايمىز. ۆاكتسينانىڭ ٶڭٸرلەرگە جەتكٸزٸلۋ قارقىنىنا قاراي ۆاكتسينا الاتىن توپتاردىڭ اياسى كەڭەيەتٸن بولادى», - دەدٸ ەرلان قيياسوۆ.
ونىڭ ايتۋىنشا, ەگدە جاستاعى قازاقستاندىقتار ۆاكتسينالاۋدىڭ العاشقى كەزەڭٸندە دە ەكپە الىپ ٷلگەرگەن ەكەن. ياعني, باستاپقى كەزەڭگە جاتقىزىلعان توپتىڭ ٸشٸندە جاسى 70-تەن اسقان مەديتسينا قىمەتكەرلەرٸ دە بولعان.
«جاسى 60-تان اسقان كٶپ ادام ەكپە الدى. قازٸر ولاردىڭ جاعدايى قالىپتى. وسىعان قاراپ ۆاكتسينا قولايلى ەكەنٸن كٶرۋگە بولادى», - باس سانيتار ەرلان قيياسوۆ.
