سەۋٸردە كوروناۆيرۋسقا قارسى ۆاكتسينا الاتىن كونتينگەنت كەڭەيتٸلەتٸن بولادى. بۇل تۋرالى قر دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتار دەرٸگەر ەرلان قيياسوۆ ايتتى, دەپ حابارلايدى قازاقپارات.
«رەسپۋبليكادا كوروناۆيرۋس ينفەكتسيياسىنا قاتىستى ۆاكتسيناتسييا جالعاسىپ جاتىر. بٷگٸندە بٸرٸنشٸ كومپونەنتپەن 83 839 ادامعا ەكپە جاسالدى. 22 اقپاننان باستاپ ەكٸنشٸ كومپونەنتپەن ۆاكتسيناتسييالاۋ باستالدى. 19 312 ادام ەكپە الدى. قولايسىز جاعدايلار تٸركەلگەن جوق. ۆاكتسيناتسييا ەلٸمٸزدٸڭ بارلىق ٶڭٸرٸندە جٷرٸپ جاتىر. 628 ەكپە پۋنكتٸ قۇرىلعان. ونىڭ 451-ٸ جۇمىس ٸستەپ تۇر. بارلىعى دا ۆاكتسينانى سالقىن جەردە ۇستاۋعا قاجەتتٸ قۇرال-جابدىقپەن قامتاماسىز ەتٸلگەن», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, ناۋرىز ايىنىڭ سوڭىنا دەيٸن ەلٸمٸزدە «سپۋتنيك V» ۆاكتسينانىڭ 150 مىڭ دوزاسى جەتكٸزٸلەتٸن بولادى. ولار ەلٸمٸزدٸڭ بارلىق ٶڭٸرٸنە 1 سەۋٸرگە دەيٸن بٶلٸنٸپ بەرٸلەدٸ.
«وسىعان بايلانىستى سەۋٸردە كوروناۆيرۋسقا قارسى يممۋنداۋعا جاتاتىن كونتينگەنتتٸڭ كەڭەيەتٸندٸگٸ كٷتٸلٸپ وتىر», - دەدٸ ەرلان قيياسوۆ.
