اقمولا وبلىسىنىڭ ساۋدا ورتالىقتارىندا ەت ٶنٸمدەرٸن ساتۋ بويىنشا كٶپتەگەن زاڭبۇزۋشىلىقتار انىقتالدى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اقمولا وبلىسى بويىنشا ارنايى مونيتورينگ توبى حابارلادى, دەپ جازادى قازاقپارات.
باسپاسٶز مەلٸمەتتەرٸنە قاراعاندا, اقمولا وبلىسى بويىنشا ارنايى مونيتورينگتٸك توپ مٷشەلەرٸ «اقمولا – ادالدىق الاڭى» جوبالىق كەڭسەسٸنٸڭ ٶكٸلدەرٸمەن بٸرلەسٸپ كٶكشەتاۋ قالاسىنىڭ ساۋدا ورتالىقتارىنداعى اۋىل شارۋاشىلىعى ٶنٸمدەرٸن جٷزەگە اسىرۋدا سانيتارلىق نورمالاردىڭ ۇستانىلۋىنا مونيتورينگ جٷرگٸزدٸ.
مونيتورينگ بارىسىندا جۇمىس توبىنىڭ مٷشەلەرٸ تاماق ٶنٸمدەرٸنٸڭ كٶتەرمە جەنە بٶلشەك ساۋدا وبەكتٸلەرٸنە قويىلاتىن سانيتارييالىق-ەپيدەميولوگييالىق تالاپتاردىڭ بٸرنەشە مەرتە بۇزىلعاندىعىن انىقتادى. مىسالعا, ساۋدا ورتالىقتارىنداعى ەت ساقتاۋعا ارنالعان مۇزداتقىش كامەرالار قاجەتتٸلٸك تۋعان كەزدە جۋىلمايدى. سيىر ەتٸن ساقتاۋ ٷشٸن وسىنداي كامەرالاردىڭ ٸشٸندە قورعانىس قاقپاقشالارى جوق شامدار قولدانىلادى. بۇل ەت ٶنٸمدەرٸنە ەينەك سيياقتى قاۋٸپتٸ قالدىقتاردىڭ تٷسۋٸنەن قورعامايدى. سونىمەن قاتار, تەمپەراتۋرا ٶلشەۋ ٷشٸن قاجەتتٸ باقىلاۋ-ٶلشەۋ قۇرىلعىلارىنىڭ جوقتىعى انىقتالدى. ەتتٸ ساتىلىمعا شىعارۋعا قاجەتتٸ سٶرەلەر نەمەسە ۆيترينالار دا جوق ەكەن.
مۇزداتىلعان ەتتٸ ساتۋ شارتتارى ساقتالمايدى. ەتتٸ تٷپقويماسىز, جەردە ساقتايتىن جاعدايلار دا انىقتالدى. ەت شاباتىن بٶلمەدە قول جۋۋعا ارنالعان شۇڭعىلشالار ورناتىلماعان.
ەت تاسىمالداۋ قىزمەتٸنە قاتىستى دا كٶپتەگەن ەسكەرتۋلەر جاسالدى. ارنايى ترانسپورتتىق قۇرال بولماعاندىقتان ەت جەڭٸل اۆتوكٶلٸكپەن تاسىمالدانادى. كٶلٸكتٸڭ ٸشكٸ جوعارعى قاباتى تازالانبايتىن, جۋىلمايتىن جەنە زارارسىزداندىرىلمايتىن, ازىق ٶنٸمدەرٸن لاستانۋدان, جانۋارلاردىڭ, كەمٸرگٸشتەر مەن قۇرت-قۇمىرسقالاردىڭ كٸرۋٸنەن ساقتامايتىن ماتەريالدان جاسالعان.
سونىمەن قاتار جۇمىسشىلاردىڭ الجاپقىشتان باسقا ارنايى كيٸممەن تولىق قامتاماسىز ەتٸلمەيتٸنٸ انىقتالدى. جەكە جەنە ارنايى كيٸمدٸ بٶلەك ساقتاۋعا ارنالعان كيٸم ٸلەتٸن بٶلمە قاراستىرىلماعان.
ٶتكٸزٸلگەن مونيتورينگ قورىتىندىسى بويىنشا ارنايى مونيتورينگتٸك توپ مٷشەلەرٸ ساۋدا ورتالىقتارىنىڭ يەلەرٸنە انىقتالعان كەمشٸلٸكتەردٸ جويۋ بويىنشا تيٸستٸ ۇسىنىمدار ەنگٸزدٸ. سونىمەن قاتار, ۋەكٸلەتتٸ مەملەكەتتٸك ورگاندار مەن ۇيىمداردىڭ قاتىسۋىمەن ارنايى جينالىس ٶتكٸزٸپ, وسىنداي زاڭ بۇزۋشىلىقتارعا الداعى ۋاقىتتا جول بەرمەۋ مەسەلەسٸن تالقىلاۋ جوسپارلانىپ وتىر.
