رەسەيدٸڭ كەمەروۆو قالاسىندا "زيمنيايا ۆيشنيا" ويىن-ساۋىق ورتالىعىنداعى ٶرتتٸڭ سالدارىنان 64 ادام قازا تاپتى, دەپ حابارلايدى "ۇلت اقپارات".
رەسەيدٸڭ كەمەروۆ قالاسىنداعى "زيمنيايا ۆيشنيا" ساۋدا ورتالىعىندا 25 ناۋرىز كٷنٸ بولعان ٶرتتەن قۇربان بولعاندار سانى سوڭعى دەرەكتەر بويىنشا 64 ادامعا, جارالانعاندار سانى 45 ادامعا جەتتٸ. تٶتەنشە جاعدايدى جويۋ بويىنشا جەدەل شتابتا تاعى 16 ادامنىڭ ٸزدەستٸرٸلٸپ جاتقانى حابارلاندى. «ولار تٶرتٸنشٸ قاباتتان ٷشٸنشٸ قاباتقا وپىرىلىپ تٷسكەن كينوزالدا بولۋى مٷمكٸن», - دەپ تٷسٸندٸردٸ اگەنتتٸكتٸڭ دەرەككٶزٸ.
قىزىل جالىن سٶندٸرٸلگەنٸنە قاراماستان, ٶرت سٶندٸرۋشٸلەر جۇمىسىن جالعاستىرىپ جاتىر. ٶيتكەنٸ عيماراتتىڭ ٶزگە دە بٶلەكتەرٸ قۇلاۋى مٷمكٸن.
"قازٸرگٸ تاڭدا ٶرتتٸ سٶندٸرۋ جۇمىستارى جالعاسىپ جاتىر, قاباتارالىق جابىندار وتىرىپ قالدى, سوعان بايلانىستى ونىڭ وپىرىلىپ قۇلاۋ قاۋپٸ تۋىنداپ وتىر", — دەدٸ تجم باسشىسىنىڭ ورىنباسارى ۆلادلەن اكسەنوۆ.
ٶرت بولعان جەردە 663 ادام مەن 123 تەحنيكا جۇمىس ٸستەپ جاتىر.
تٶتەنشە جاعدايلار مينيسترلٸگٸنٸڭ مەلٸمەتٸنشە, ساۋدا ورتالىعىنىڭ كينوتەاتر مەن بالالاردىڭ ويىن الاڭدارى ورنالاسقان تٶرتٸنشٸ قاباتىندا ٶرتتٸڭ نەدەن تۇتانعانى ەزٸرشە بەلگٸسٸز. ٶرت شىققان كەزدە عيماراتتا بولعان 200-گە جۋىق ادام سىرتقا شىعارىلعان.
كەي كۋەگەرلەردٸڭ ايتۋىنشا, ٶرت شىققان كەزدە دابىل بەرۋ جٷيەسٸ جۇمىس ٸستەمەگەن. تەرگەۋ كوميتەتٸ ٶرتتەن ادامداردىڭ مەرت بولۋىنا بايلانىستى قىلمىستىق ٸس قوزعادى. كەمەروۆ وبلىستىق پروكۋراتۋراسى دا ٶرت وقيعاسىن تەكسەرۋدٸ باستاعان.
