فوتو: اشىق دەرەككٶز
قازاقستان رەسپۋبليكاسى ساۋدا جەنە ينتەگراتسييا مينيسترلٸگٸ ساۋدا سۋبەكتٸلەرٸ اراسىندا ٶتكەن «Sauda in Digital Nauryz» رەسپۋبليكالىق بايقاۋىنىڭ قورىتىندىسىن شىعاردى, دەپ حابارلايدى Ult.kz.
13–20 ناۋرىز ارالىعىندا ۇيىمداستىرىلعان بايقاۋ ساۋدا سالاسىنداعى تسيفرلاندىرۋ مەن جاساندى ينتەللەكتٸنٸڭ مٷمكٸندٸكتەرٸن كەڭٸنەن كٶرسەتتٸ. قاتىسۋشىلار بەس نەگٸزگٸ كريتەريي بويىنشا – جي قولدانۋ, كرەاتيۆتٸلٸك, ۇلتتىق ناقىش, اۋديتورييا بەلسەندٸلٸگٸ جەنە ساپا – 100 بالدىق جٷيەمەن باعالاندى.
نەتيجەسٸندە بٸرنەشە نوميناتسييا بويىنشا ٷزدٸكتەر انىقتالدى. «ٷزدٸك تسيفرلىق قۇتتىقتاۋ» اتالىمىندا قاراعاندى قالاسىنداعى تسۋم 92 ۇپايمەن جەڭٸسكە جەتتٸ. جوبا ناۋرىز مەيرامىنىڭ قۇندىلىقتارىن تسيفرلىق فورماتتا ەسەرلٸ جەتكٸزگەنٸ ٷشٸن جوعارى باعالاندى.
«جاساندى ينتەللەكتٸنٸ ٷزدٸك قولدانۋ» نوميناتسيياسىندا قاراعاندىداعى «ۋماي» ساۋدا نىسانى 90 ۇپاي جيناپ, ٷزدٸك دەپ تانىلدى. مۇندا جي تەحنولوگييالارى ۆيزۋالدى ەرٸ ينتەراكتيۆتٸ كونتەنت جاساۋدا تيٸمدٸ قولدانىلعان.
ال «ەڭ كرەاتيۆتٸ Digital-جوبا» اتالىمىندا «Small» ساۋدا جەلٸسٸ 90 ۇپايمەن توپ جاردى. جوبا ەرەكشە ستوريتەللينگ تەسٸلدەرٸ ارقىلى اۋديتورييانى تارتۋدا جاڭاشىلدىعىمەن ەرەكشەلەندٸ.
«ٷزدٸك تسيفرلىق بەزەندٸرۋ» نوميناتسيياسىندا «انۆار» 88 ۇپاي جيناپ, جەڭٸمپاز اتاندى. ساۋدا كەڭٸستٸگٸن زاماناۋي ۆيزۋالدى شەشٸمدەرمەن بەزەندٸرٸپ, كەلۋشٸلەرگە مەرەكەلٸك كٶڭٸل-كٷي سىيلاعانى اتاپ ٶتٸلدٸ.
مينيسترلٸك ٶكٸلدەرٸنٸڭ ايتۋىنشا, بايقاۋعا قاتىسۋشىلار Instagram جەلٸسٸندە #saudadigitalnauryz حەشتەگٸ ارقىلى بەلسەندٸلٸك تانىتىپ, ساۋدا سالاسىنىڭ جاڭا تسيفرلىق باعىتتا دامىپ كەلە جاتقانىن كٶرسەتتٸ. جەڭٸمپازداردى ماراپاتتاۋ رەسٸمٸ 23 ناۋرىز كٷنٸ سالتاناتتى تٷردە ٶتتٸ.
