Foto: ashyq derekkóz
Qazaqstan Respýblikasy Saýda jáne integratsiia ministrligi saýda sýbektileri arasynda ótken «Sauda in Digital Nauryz» respýblikalyq baiqaýynyń qorytyndysyn shyǵardy, dep habarlaidy Ult.kz.
13–20 naýryz aralyǵynda uiymdastyrylǵan baiqaý saýda salasyndaǵy tsifrlandyrý men jasandy intellektiniń múmkindikterin keńinen kórsetti. Qatysýshylar bes negizgi kriterii boiynsha – JI qoldaný, kreativtilik, ulttyq naqysh, aýditoriia belsendiligi jáne sapa – 100 baldyq júiemen baǵalandy.
Nátijesinde birneshe nominatsiia boiynsha úzdikter anyqtaldy. «Úzdik tsifrlyq quttyqtaý» atalymynda Qaraǵandy qalasyndaǵy TsÝM 92 upaimen jeńiske jetti. Joba Naýryz meiramynyń qundylyqtaryn tsifrlyq formatta áserli jetkizgeni úshin joǵary baǵalandy.
«Jasandy intellektini úzdik qoldaný» nominatsiiasynda Qaraǵandydaǵy «Ýmai» saýda nysany 90 upai jinap, úzdik dep tanyldy. Munda JI tehnologiialary vizýaldy ári interaktivti kontent jasaýda tiimdi qoldanylǵan.
Al «Eń kreativti Digital-joba» atalymynda «Small» saýda jelisi 90 upaimen top jardy. Joba erekshe storitelling tásilderi arqyly aýditoriiany tartýda jańashyldyǵymen erekshelendi.
«Úzdik tsifrlyq bezendirý» nominatsiiasynda «Anvar» 88 upai jinap, jeńimpaz atandy. Saýda keńistigin zamanaýi vizýaldy sheshimdermen bezendirip, kelýshilerge merekelik kóńil-kúi syilaǵany atap ótildi.
Ministrlik ókilderiniń aitýynsha, baiqaýǵa qatysýshylar Instagram jelisinde #saudadigitalnauryz heshtegi arqyly belsendilik tanytyp, saýda salasynyń jańa tsifrlyq baǵytta damyp kele jatqanyn kórsetti. Jeńimpazdardy marapattaý rásimi 23 naýryz kúni saltanatty túrde ótti.
