سەتباەۆتاعى تۇرعىندار مەن پوليتسييا اراسىنداعى قاقتىعىستان كەيٸن ۇستالعان ادام سانى 19-عا جەتتٸ.
تەرگەۋ امالدارىندا بۇل سان ەسەلەپ ٶسۋٸ مٷمكٸن. ٶيتكەنٸ 24 شٸلدەگە قاراعان تٷنٸ قالادا ويران سالعانداردىڭ سانى مىڭعا جۋىق. ولارعا قىلمىستىق كودەكستٸڭ بٸرنەشە بابىمەن ايىپ تاعىلعان, دەپ حابارلادى كتك.
ايتا كەتەيٸك, قاقتىعىسقا قالادا جوعالعان 5 جاستاعى قىزدىڭ ەرەسەك كٶرشٸسٸنەن قورلىق كٶرۋٸ سەبەپ بولدى. اشىنعان توپ پوليتسييادان كٷدٸكتٸنٸ بەرۋدٸ تالاپ ەتٸپ, ٸستٸڭ سوڭى ناسىرعا شاپقان بولاتىن.
سەتباەۆتاعى بٷگٸنگٸ تٸرشٸلٸك قالىپتى. استان-كەستەڭٸ شىققان پودەزد دە تىنىش. تەك سول كٷنگٸ وقيعانى تۇرعىندار كٶپكە دەيٸن ۇمىتا المايدى.
جوعالعان بٷلدٸرشٸندٸ تابۋدا بەينەكامەرانىڭ كٶمەگٸ زور بولعان. ٶيتكەنٸ بەينەتاسپادا قىزدىڭ پودەزگە كٸرگەن سەتٸ بار دا, شىققانى جوق. سوندىقتان پوليتسييا مەن ەرٸكتٸلەر پودەزدەگٸ بارلىق پەتەردٸ تٸنتي باستاعان. كٷدٸك تۋدىرعانى – ەسٸگٸن اشپاعان بٸرٸنشٸ قاباتتاعى پەتەر.
"ادامدار تەرەزەدەن ٸشتە بٸرەۋ بار ەكەنٸن بايقاپ قالدى. پوليتسييا قىزمەتكەرلەرٸ ەسٸكتٸ سىندىرىپ, ٸشكە كٸردٸ. دەنەسٸن جالاڭاشتاعان كٸسٸنٸ ۇستاپ جاتقانىن ٶز كٶزٸممەن كٶرٸپ, كامەراعا تٷسٸرٸپ تۇردىم. سوسىن اشىنعان حالىق تەرەزەنٸ شاعىپ, تورىن جۇلىپ الدى. ٸشكە جاستار كٸرە باستادى", - دەيدٸ سەتباەۆ قالاسىنىڭ تۇرعىنى بوتاگٶز بۇشمانوۆا.
قىزدى اتا-اناسىنا بەرٸپ, كٷدٸكتٸنٸ شىعارماق بولعاندا ويران باستالعان. اشۋ-ىزىعا ەرٸك بەرگەندەر پەتەرگە باسا كٶكتەپ كٸرگەن. ٷي الدىندا ازعانتاي پوليتسەيلەردٸڭ ىرقىنا كٶنبەگەن قاراقۇرىم جۇرت ەسٸك الدىنداعى مٷلٸكتٸ دە تالقانداۋعا كٸرٸسٸپتٸ. ٸستٸڭ ناسىرعا شاپقانىن كٶرگەن پوليتسەيلەر كٷدٸكتٸگە پوليتسييا كيٸمٸن كيٸندٸرٸپ ٷيدەن الىپ كەتكەن.
"ونى ٷيدەن الىپ شىعۋ قيىن بولعاننان كەيٸن كيٸمٸن اۋىستىرىپ, قاۋٸپسٸزدٸگٸن قامتاماسىز ەتتٸك. سودان جينالعاندار پوليتسييا بٶلٸمٸنە كەلدٸ. باقىلاۋ پۋنكتٸن سىندىرىپ, تاس لاقتىرىپ, بٸراز شىعىن كەلتٸردٸ", - دەيدٸ سەتباەۆ قالالىق پب باستىعى جاندوس قارابەكوۆ.
پوليتسييا بٶلٸمٸنٸڭ الدىندا بٸرنەشە قىزمەتتٸك كٶلٸك تالقاندالىپ, بٸر جەڭٸل كٶلٸك پەن اۆتوبۋس ٶرتەندٸ. عيمارات تا زاقىمدالعان. جالپى كەلگەن شىعىن كٶلەمٸ 60 ميلليون تەڭگە.
وقيعادان ەكٸ اپتا ٶتكەندە عانا باستى كٷدٸكتٸنٸڭ پەتەرٸن جاقىندارى جيناستىرىپ جٷر. سۇحباتتان ات-تونىن الا قاشتى. بەلگٸلٸسٸ, 62 جاستاعى تۇرعىننىڭ ەيەلٸ, بٶلەك تۇراتىن بالالارى مەن نەمەرەلەرٸ بار ەكەن. سول كٷنٸ ونىڭ ەيەلٸ ساياجايعا كەتٸپ, كٷدٸكتٸ ٷيدە جالعىز قالعان.
تەرگەۋ مەلٸمەتٸنشە وعان ادام ۇرلاۋ جەنە زورلاۋ باپتارى بويىنشا ايىپ تاعىلعان.
